அஜித் நடித்த ’குட் பேட் அக்லி’ படத்தின் படப்பிடிப்பு முடிவடைந்து, தற்போது விறுவிறுப்பாக தொழில்நுட்ப பணிகள் நடைபெற்று வருகிறது. இந்த படத்தின் அப்டேட்டுகள் தொடர்ந்து வெளியாகும் என எதிர்பார்க்கப்பட்ட நிலையில், சற்றுமுன் இயக்குநர் ஆதிக் ரவிச்சந்திரன் தனது சமூக வலைத்தளப் பக்கத்தில் இப்படத்தின் மேக்கிங் வீடியோவை வெளியிட்டுள்ளார்.

மூன்று நிமிடத்திற்கு மேல் நீளும் அந்த வீடியோவில், அஜித் நடித்த காட்சிகள் எடுக்கப்பட்ட போது பதிவான காட்சிகள் இடம் பெற்றுள்ளன. இந்த வீடியோ தற்போது இணையத்தில் வைரலாகி வருகிறது என்பது குறிப்பிடத்தக்கது.

அஜித் பல்வேறு கெட்டப்புகளில் அட்டகாசமாக தோன்ற, இயக்குநர் ஆதிக் அவருக்கு காட்சிகளை விளக்குவது, அதை அஜித் சூப்பராக நடிப்பது, துணை நடிகர்கள் அவரை பார்த்து ஆரவாரம் செய்வது, அதிரடி ஸ்டண்ட் காட்சிகள், ஆட்டம் போட வைக்கும் நடனக் காட்சிகள் உள்ளிட்டவை இந்த மூன்று நிமிட வீடியோவில் இடம்பெற்றுள்ளது.

அதுமட்டுமன்றி, இயக்குநர் ஆதிக் ரவிச்சந்திரன், இந்த படத்தின் முதல் சிங்கிள் பாடல் மார்ச் 18ஆம் தேதி வெளியாகும் என்றும் அறிவித்துள்ளார். இந்த அறிவிப்பு அஜித் ரசிகர்களுக்கு பெரும் மகிழ்ச்சியை ஏற்படுத்தியுள்ளது.

Each day working with #Ajith Sir was unforgettable. Have made memories for life , here is the BTS of #GoodBadUglyTeaser ❤️‍🔥
▶️ https://t.co/RxGoPQu3Fv

First single #OGSambavam from March 18th.

A @gvprakash Musical❤️🙏🏻 @trishtrashers mam @MythriOfficial @SureshChandraa sir… pic.twitter.com/RhIur7ZCyw

— Adhik Ravichandran (@Adhikravi) March 14, 2025