close
Choose your channels

హైద‌రాబాద్‌కి షిఫ్ట్ అవుతున్న ఫైట‌ర్‌

Thursday, July 9, 2020 • తెలుగు Comments

హైద‌రాబాద్‌కి షిఫ్ట్ అవుతున్న ఫైట‌ర్‌

రౌడీ హీరో విజ‌య్ దేవ‌ర‌కొండ క‌థానాయ‌కుడిగా డాషింగ్ డైరెక్ట‌ర్ పూరీ జ‌గ‌న్నాథ్ ద‌ర్శ‌క‌త్వంలో ఓ పాన్ ఇండియా చిత్రం రూపొందుతోన్న సంగ‌తి తెలిసిందే. కొన్ని నెల‌ల క్రితం ముంబైలో ఈ సినిమా షూటింగ్ స్టార్ట్ అయిన సంగ‌తి తెలిసిందే. కొంత పార్ట్ చిత్రీక‌ర‌ణ జ‌రిగిన త‌ర్వాత క‌రోనా ప్ర‌భావం మొద‌లు కావ‌డంతో లాక్‌డౌన్ విధించ‌డం ఫ‌లితంగా షూటింగ్స్ అన్నీ ఆగిపోవ‌డం జ‌రిగాయి. రెండు నెల‌ల త‌ర్వాత ప్ర‌భుత్వాలు షూటింగ్స్‌కు ప‌రిమితులు విధించిన గ్రీన్ సిగ్న‌ల్ ఇచ్చిన‌ప్ప‌టికీ ముంబైలో ఇంకా ప‌రిస్థితులు చ‌క్క‌బ‌డ‌టం లేదు. దీంతో బాలీవుడ్ హీరోలు సైతం షూటింగ్స్ స్టార్ట్ చేయ‌డానికి భ‌య‌ప‌డుతున్నారు. విజ‌య్ దేవ‌ర‌కొండ కూడా ముంబై రావ‌డానికి వెనుకా ముందు అవుతున్నాడు.

హైద‌రాబాద్‌కి షిఫ్ట్ అవుతున్న ఫైట‌ర్‌

దీంతో పూరి ముంబై సెట్‌ను హైద‌రాబాద్ రామోజీ ఫిలింసిటీలోనే ప్లాన్ చేస్తున్నాడ‌ట‌. సెట్‌ను వేయ‌మ‌ని ఇప్ప‌టికే చెప్పేసిన‌ట్లు త్వ‌ర‌లోనే సెట్ పూర్తి కాగానే పూరి హైద‌రాబాద్ ల్యాండ్ అయిపోయి షూటింగ్‌ను మొద‌లు పెడ‌తాడ‌ని అంటున్నారు. ఈ సినిమా నిర్మాణంలో పూరి, ఛార్మిల‌తో పాటు బాలీవుడ్ నిర్మాత క‌ర‌ణ్ జోహార్ కూడా భాగ‌స్వామిగా వ్య‌వ‌హ‌రిస్తోన్న సంగ‌తి తెలిసిందే. అన‌న్య‌పాండే హీరోయిన్‌గా న‌టిస్తోంది.

Get Breaking News Alerts From IndiaGlitz