close
Choose your channels
anabel
friendship

ரஜினியின் 'காலா' படப்பிடிப்பு இன்று முதல் திடீர் ரத்து

Friday, September 1, 2017 • தமிழ் Comments

ஃபெப்சி தொழிலாளர்கள் இன்று முதல் காலவரையற்ற வேலைநிறுத்தம் அறிவித்துள்ளதால் ரஜினியின் 'காலா' உள்ளிட்ட சுமார் 40 திரைப்படங்களின் படப்பிடிப்புகள் ரத்து செய்யப்பட்டுள்ளதாக செய்திகள் வெளிவந்துள்ளது.

நேற்று செய்தியாளர்களை சந்தித்த ஃபெப்சி தலைவர் ஆர்.கே.செல்வமணி, 'கடந்த சில நாட்களுக்கு முன்னர் ஃபெப்சி வேலைநிறுத்தம் செய்தபோது தயாரிப்பாளர் சங்கத்தினர் கொடுத்த வாக்குறுதிகள் நிறைவேற்றப்படவில்லை. அதுமட்டுமின்றி ஃபெப்சிக்கு எதிராக புதிய சங்கம் ஒன்று ஆரம்பிக்கும் முயற்சி ஒன்றுக்கு விளம்பரம் செய்யப்பட்டுள்ளது.

எனவே எங்களுடைய கோரிக்கைகள் நிறைவேறும்வரை காலவரையற்ற வேலைநிறுத்தத்தில் ஈடுபட முடிவு செய்துள்ளோம்' என்று ஆர்.கே.செல்வமணி தெரிவித்துள்ளார்.

ஃபெப்சியின் இந்த முடிவு காரணமாக ஏற்கனவே ரிலீஸ் தேதி அறிவிக்கப்பட்ட படங்களின் ரிலீஸ் தேதி தள்ளிப்போகும் என்று எதிர்பார்க்கப்படுகிறது.

Get Breaking News Alerts From IndiaGlitz