close
Choose your channels
aranmanai

ஒரே நாளில் 2 எம்பிக்கள், ஒரு எம்.எல்.ஏவுக்கு கொரோனா: தமிழகத்தில் பரபரப்பு

Monday, August 3, 2020 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தமிழகத்தில் ஏற்கனவே திமுக, அதிமுக மற்றும் காங்கிரஸ் கட்சியை சேர்ந்த எம்எல்ஏக்கள் கொரோனாவால் பாதிக்கப்பட்டு சிகிச்சை பெற்று வருகின்றனர். ஒரு சிலர் கொரோனாவில் இருந்து குணமாகி வீடு திரும்பி உள்ளனர் என்பது குறிப்பிடத்தக்கது

இந்த நிலையில் இன்று காலை சிவகங்கை தொகுதி காங்கிரஸ் எம்பி கார்த்தி சிதம்பரம் அவர்களுக்கு கொரோனா தொற்று ஏற்பட்டதாகவும் இதனை அடுத்து அவர் வீட்டிலேயே தனிமைப்படுத்தி கொண்டதாகவும் செய்திகள் வெளியானது

இந்த நிலையில் சற்று முன்னர் வெளியான தகவலின்படி திமுக எம்பி மற்றும் எம்எல்ஏ ஆகிய இருவருக்கும் கொரோனா தொற்று உறுதி செய்யப்பட்டுள்ளது. தஞ்சை மாவட்டம் ஒரத்தநாடு திமுக எம்எல்ஏ ராமச்சந்திரன் அவர்களுக்கு கொரோனா தொற்று உறுதி செய்யப்பட்டுள்ளதாகவும் இதனையடுத்து அவர் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் செய்தி வெளிவந்துள்ளது

அதேபோல் மயிலாடுதுறை எம்பி ராமலிங்கம் அவர்களுக்கும் கொரோனா உறுதி செய்யப்பட்டுள்ளதாக தகவல் வெளிவந்துள்ளது. இன்று ஒரே நாளில் காங்கிரஸ் எம்பி, திமுக எம்பி மற்றும் திமுக எம்.எல்.ஏ ஆகிய மூவருக்கு கொரோனா உறுதி செய்யப்பட்டுள்ளது என்பது குறிப்பிடத்தக்கது

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Login to post comment
Cancel
Comment