இயக்குனர் ராம் இயக்கத்தில் நிவின் பாலி மற்றும் சூரி நடிப்பில் உருவான "ஏழு கடல் ஏழுமலை" என்ற திரைப்படத்தின் படப்பிடிப்பு முடிவடைந்து, தற்போது இறுதிக்கட்ட தொழில்நுட்ப பணிகள் நடைபெற்று வருகின்றன. சற்று முன், இந்த படத்தின் டீசர் வெளியாகி, இணையத்தில் வைரல் ஆகி வருகிறது.

இந்த டீசரில், ’தீபாவளி இரவில், ஒரு நபர், மரணமற்ற மற்றொரு நபரை சந்திக்கின்றார். "வானம் உடைந்தது" என்ற டைட்டிலுடன் தொடங்கும் டீசர், அதன் பிறகு "மாமழை போற்றுதும்" என்ற நிவின் பாலி சொல்ல, அதில் ‘ழ’வை சரியாக உச்சரிக்காத சூரியை அவர் மிரட்ட, "மதுரை காரனுக்கு அவ்வளவு தான் ‘ழ’ வரும்" என்று சூரி சொல்வதுடன் டீசர் தொடங்குகிறது.

முழுக்க முழுக்க ஒரு ரயிலில் நடக்கும் இந்த கதையில், நிவின் பாலி, சூரி, அஞ்சலி, ஆகியோர்களுடன் ஒரு எலி முக்கிய கதாபாத்திரத்தில் இருப்பது குறிப்பிடத்தக்கது. பிரம்மிக்க வைக்கும் மேக்கிங், ரயில் சண்டைக் காட்சிகள் ஆகியவற்றுடன், ராம் முற்றிலும் வித்தியாசமாக இந்த படத்தை இயக்கியுள்ளார் என்பது தெரிய வருகிறது.

யுவன் சங்கர் ராஜா இசையில், சுரேஷ் காமாட்சி தயாரிப்பில் உருவாகியுள்ள இந்த படத்திற்கு ஏகாம்பரம் ஒளிப்பதிவையும் மதி படத்தொகுப்பையும் செய்துள்ளார். இந்த படம் மார்ச் மாதத்தில் வெளியாகும் என்று அறிவிக்கப்பட்டுள்ளது.

இந்த படத்தின் தயாரிப்பாளரான சுரேஷ் காமாட்சியின் ‘மிக மிக அவசரம்’ "மாநாடு" "வணங்கான்" போன்ற படங்களைப் போலவே, இந்த படமும் ரசிகர்கள் மத்தியில் நல்ல வரவேற்பு பெறும் என்று எதிர்பார்க்கப்படுகிறது.