close
Choose your channels
DJ

'வாரிசு' படத்திற்கு சிக்கல் வரக்கூடாது, வந்தால்... லிங்குசாமி ஆவேசம்!

Saturday, November 19, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

விஜய்யின் ’வாரிசு’ திரைப்படத்திற்கு சிக்கல் வரக்கூடாது என்றும் அப்படி வந்தால் நாங்கள் எல்லோரும் சேர்ந்து இதற்கான தீர்வைக் கொண்டு வருவோம் என்றும் எச்சரிக்கை விடும் வகையில் இயக்குநர் லிங்குசாமி ஆவேசமாக பேசியுள்ளது பரபரப்பை ஏற்படுத்தி உள்ளது .

தளபதி விஜய் நடிப்பில், வம்சி இயக்கத்தில், தில் ராஜூ தயாரிப்பில் உருவான திரைப்படம் ’வாரிசு’. இந்த படத்தின் படப்பிடிப்பு கிட்டத்தட்ட முடிவடைந்து வரும் பொங்கல் தினத்தில் ரிலீஸ் ஆகவுள்ள நிலையில் பொங்கல் தினத்தில் தெலுங்கு திரையுலகின் முன்னணி நடிகர்களின் படங்களும் வெளியாக இருப்பதால் ’வாரிசு’ திரைப்படத்தை திரையிட அனுமதிக்க மாட்டோம் என தெலுங்கு திரையுலகை கூறியிருப்பது பெரும் பரபரப்பை ஏற்படுத்தி உள்ளது.

இந்த நிலையில் ’வாரிசு’ திரைப்படத்திற்கு பிரச்சனை செய்யக்கூடாது என ஏற்கனவே சீமான் கண்டன அறிக்கை விட்டிருந்த நிலையில் தற்போது இயக்குனர் லிங்குசாமி இது குறித்து தனது கருத்தை தெரிவித்துள்ளார். ’வாரிசு’  படத்திற்கு திரையரங்குகள் தரமாட்டோம் என்று கூறினால் அது வார்த்தைகளில் சொல்ல முடியாத அளவிற்கு பிரச்சனையை உருவாக்கும் என்றும் ’வாரிசு’ படத்திற்கு முன்பும் பின்பும் இந்த பிரச்சனை விஸ்வரூபம் எடுக்கும் என்றும் கூறினார்.

தமிழ், தெலுங்கு திரையுலகை சேர்ந்தவர்கள் இதற்கு சுமூகமான பேச்சுவார்த்தை நடத்தி முடிவு எடுக்க வேண்டும் என்றும் இரண்டு மொழி படங்கள் ரசிகர்களால் கொண்டாடப்பட்டு வரும் நிலையில் ’வாரிசு’ படத்தை குறுகிய மனப்பான்மையுடன் யாரும் பார்க்கக் கூடாது என்றும் அவர் தெரிவித்துள்ளார். ’வாரிசு’  படத்திற்கு பிரச்சனை சிக்கல் ஏதும் வரக்கூடாது என்றும் அப்படி வந்தால் நாங்கள் எல்லோரும் சேர்ந்து இதற்கான தீர்வைக் கொண்டு வருவோம் என்றும் இயக்குனர் லிங்குசாமி தெரிவித்துள்ளார்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.