close
Choose your channels

சூழ்ச்சிகளை தைரியமாக எதிர்கொள்வோம்: நீட் எழுதும் மாணவர்களுக்கு பிரபல இயக்குனர் அறிவுரை!

Saturday, September 12, 2020 • தமிழ் Comments

நீட் தேர்வுக்கு கடந்த சில ஆண்டுகளாகவே தமிழகத்தில் உள்ள எதிர்க்கட்சிகள் எதிர்ப்பு தெரிவித்து வருகின்றன என்பதும் எதிர்ப்பையும் மீறி நீட் தேர்வு நடத்தப்பட்டு வருகிறது என்பதும் தெரிந்ததே. இந்த நிலையில் நீட் தேர்வு பயம் காரணமாக தமிழகத்தில் மாணவ மாணவிகள் தங்கள் விலைமதிப்பில்லா உயிரை இழந்து வருவது பெரும் அதிர்ச்சியை ஏற்படுத்தி வருகிறது

இந்த நிலையில் நீட் தேர்வு எழுதும் மாணவர்களுக்கு ஆறுதல் அளிக்கக்கூடிய வகையில் சில கருத்துக்களை தெரிவிப்பது சமூக ஆர்வலர்களின் கடமையாக உள்ளது. அந்த வகையில் இயக்குனர் அமீர் தனது சமூக வலைத்தளத்தில் இது குறித்து ஒரு வீடியோவை வெளியிட்டுள்ளார். அந்த வீடியோவில் அவர் கூறியிருப்பதாவது:

என் அன்பார்ந்த மாணவ மாணவிகளே, நீட் தேர்வுக்கு எதிரான போராட்டம் தமிழகத்தில் தொடர்ச்சியாக நடந்து கொண்டிருந்தாலும் நாம் விரும்பினாலும் விரும்பாவிட்டாலும் நீட் தேர்வு நம்மீது வலிய திணிக்கப்பட்டிருக்கிறது. அந்த அடிப்படையில் நாளை நமது மாணவச் செல்வங்கள் நீட் என்னும் தேர்வை எழுதவுள்ளனர்

நீட் தேர்வுக்கு எதிரான போராட்டம் ஒரு பக்கம் தொடர்ந்து கொண்டிருந்தாலும் இந்த தேர்வை எழுதி நீங்கள் வெற்றி பெற வேண்டிய அவசியம் இருக்கிறது. ஆகையால் மாணவச் செல்வங்களே, தைரியமாக இந்தத் தேர்வை எதிர்கொள்ள வேண்டும். உங்களால் நிச்சயமாக இந்த நீட் தேர்வில் வெற்றிக்கொள்ள முடியும். உங்களால் மருத்துவக் கல்லூரிக்குள் நுழைய முடியும். நீங்கள் உங்களுடைய உயர் கல்வி என்ற கனவு லட்சியத்தை அடைய முடியும் என்ற நம்பிக்கையோடு உங்களால் முடியும் என்ற உறுதியோடு, உங்களது பெற்றோர்களுடன் நலன்களையும், அவருடைய எதிர்காலத்தையும், உங்களுடைய எதிர்காலத்தையும், நாட்டின் எதிர்காலத்தையும் கருத்தில் கொண்டு இந்த நீட்தேர்வை தைரியமாக எதிர்கொள்ளுங்கள். வெற்றி உங்களுக்கே!

போராட்டம் ஒரு பக்கம் தொடர்ந்து கொண்டிருந்தாலும் கூட, நீட் தேர்வுக்கு எதிரான போராட்ட களத்தில் நாம் தொடர்ந்து பயணித்தாலும் கூட இந்தத் தேர்வில் வெற்றி கொள்வோம் என்ற எண்ணத்தோடு தேர்வை எழுதுங்கள். சூழ்ச்சிகளுக்கு நாம் துவண்டு விடக்கூடாது, சூழ்ச்சிகளால் நாம் தோற்று விடக் கூடாது என்ற காரணத்திற்காகவும் இதை எதிர்கொண்டு வெற்றி கொள்வோம். வெற்றி உங்கள் பக்கம். வாழ்த்துக்கள். எழுதுங்கள் வெற்றி கொள்ளுங்கள்’ என்று இயக்குனர் அமீர் தெரிவித்துள்ளார்

Get Breaking News Alerts From IndiaGlitz