close
Choose your channels

దిల్‌రాజు, ప్ర‌భాస్ చిత్రం... డైరెక్ట‌ర్ ఎవ‌రంటే?

Monday, May 11, 2020 • తెలుగు Comments

దిల్‌రాజు, ప్ర‌భాస్ చిత్రం... డైరెక్ట‌ర్ ఎవ‌రంటే?

బాహుబ‌లి సినిమాతో నేష‌న‌ల్ రేంజ్ స్టార్‌డ‌మ్‌ను సంపాదించుకున్న యంగ్ రెబ‌ల్‌స్టార్ ప్ర‌భాస్‌తో సినిమా చేయ‌డానికి ద‌ర్శ‌కులు, నిర్మాత‌లు ఆస‌క్తిగా ఎదురుచూస్తున్నారు. ప్ర‌భాస్ మాత్రం నింపాదిగా సినిమాలు చేస్తూ వ‌స్తున్నాడు. 2011లో ప్ర‌భాస్ టాలీవుడ్‌కే ప‌రిమిత‌మై ఉన‌ప్పుడు హిట్ చిత్రాల నిర్మాత దిల్‌రాజు నిర్మాణంలో కె.ద‌శ‌ర‌థ్‌తో మిస్ట‌ర్ ప‌ర్‌ఫెక్ట్ సినిమాను రూపొందించారు. సినిమా మంచి విజ‌యాన్ని సాధించింది. దాదాపు తొమ్మిదేళ్లు అవుతున్నా.. ప్ర‌భాస్‌, దిల్‌రాజు కాంబినేష‌న్‌లో మ‌రో సినిమా రాలేదు.

తాజా సినీ వ‌ర్గాల స‌మాచారం మేర‌కు ఇప్పుడు ప్ర‌భాస్‌తో సినిమాను నిర్మించ‌డానికి దిల్‌రాజు క‌థ‌ను సిద్ధం చేయిస్తున్నాడ‌ట‌. ఇంత‌కూ ద‌ర్శ‌కుడెవ‌రో తెలుసా? దిల్‌రాజు బ్యాన‌ర్‌లో ఎంసీఎతో హిట్ కొట్టిన ద‌ర్శ‌కుడు వేణు శ్రీరామ్‌. ఈ ద‌ర్శ‌కుడికి దిల్‌రాజు ఇప్పుడు ప‌వ‌న్‌క‌ల్యాణ్‌ను వ‌కీల్‌సాబ్‌లో డైరెక్ట్ చేసే అవ‌కాశం క‌ల్పించాడు. రీసెంట్‌గా వేణు శ్రీరామ్ చెప్పిన లైన్ న‌చ్చ‌డంతో దిల్‌రాజు పూర్తి క‌థ‌ను సిద్ధం చేయ‌మ‌ని చెప్పాడ‌ట‌. వ‌కీల్‌సాబ్‌పై ఓ క్లారిటీ వ‌చ్చిన త‌ర్వాత వేణు శ్రీరామ్ క‌థ‌ను త‌యారు చేసే ప‌నిలోకూర్చుంటాడ‌ట‌. అదే స‌మ‌యంలో ప్ర‌బాస్ త‌న 20వ సినిమాను, నాగ్ అశ్విన్ ద‌ర్శ‌క‌త్వంలో 21వ సినిమాను పూర్తి చేస్తాడు. ఆలోపు ప్ర‌భాస్‌ను క‌థ చెప్పించి ఒప్పించ‌గ‌లిగితే ప్ర‌భాస్‌, దిల్‌రాజు, శ్రీరామ్ వేణు కాంబినేష‌న్‌లో సినిమా ఉంటుంద‌ని టాక్ విన‌ప‌డుతుంది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.   

Get Breaking News Alerts From IndiaGlitz