close
Choose your channels
Viruman
Laal

கிரிக்கெட்டை அடுத்து சினிமா: தல தோனியின் அதிரடி முடிவு

Wednesday, September 30, 2020 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சமீபத்தில் சர்வதேச கிரிக்கெட் போட்டிகளில் இருந்து ஓய்வு பெற்ற தல தோனி தற்போது ஐபிஎல் போட்டிகளில் விளையாடி வருகிறார். இந்த தொடரில் அவர் தனது திறமையை மீண்டும் நிரூபிப்பார் என்று எதிர்பார்க்கப்படுகிறது.

இந்த நிலையில் ஓய்வுக்குப் பின்னர் அவர் அடுத்ததாக சினிமா துறையை தேர்வு செய்துள்ளார். ஏற்கனவே கடந்த ஆண்டு ’தோனி என்டர்டெய்ன்மெண்ட்’ என்ற பெயரில் தயாரிப்பு நிறுவனம் ஒன்றை ஆரம்பித்த தோனி, அந்த நிறுவனத்தின் சார்பில் ஒருசில டாகுமெண்டரி படங்களை எடுத்துள்ளார். இந்த நிலையில் தற்போது வெப்சீரிஸ் தயாரிக்க அவர் முடிவு செய்துள்ளதாக தெரிகிறது.

இந்த நிறுவனத்தின் மேனேஜிங் டைரக்டரும், தோனியின் மனைவியுமான சாக்ஷி தோனி இதுகுறித்து கூறியபோது, ‘அறிவியல் சம்பந்தமான நாவல்களின் அடிப்படையில் வெப்சீரிஸ் எடுக்க திட்டமிட்டுள்ளதாகவும் இதுகுறித்த பேச்சுவார்த்தைகள் நடைபெற்று வருவதாகவும் விரைவில் இந்த தொடரில் நடிக்கும் நடிகர்கள் மற்றும் இயக்குனர் குறித்த தகவல் வெளிவரும் என்றும் கூறியுள்ளார். மேலும் தோனி எண்டர்டெயின்மெண்ட் நிறுவனத்தின் சார்பில் ஒரே நேரத்தில் 5 புதிய வெப்தொடர்களையும் தயாரிக்க திட்டமிட்டுள்ளதாக சாக்ஷி தோனி கூறியுள்ளார்.

கிரிக்கட்டில் ஓய்வுபெற்ற பின் தயாரிப்பாளராக சினிமா துறையில் களம் இறங்கியிருக்கும் தோனி விரைவில் நடிகராகவும் களமிறங்குவாரா என்பதை பொறுத்திருந்து பார்ப்போம்.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.