தனுஷ் நடித்து முடித்துள்ள திரைப்படத்தின் வெளிநாட்டு ரிலீஸ் உரிமையை லைகா நிறுவனம் பெற்றுள்ளதாக அறிவிக்கப்பட்டுள்ளது.

தனுஷ் நடிப்பில் அருண் மாதேஸ்வரன் இயக்கத்தில் உருவான ’கேப்டன் மில்லர்’ என்ற படத்தின் படப்பிடிப்பு சமீபத்தில் முடிவடைந்த நிலையில் இந்த படத்தின் தொழில்நுட்ப பணிகள் தற்போது விறுவிறுப்பாக நடைபெற்று வருகிறது.

இந்த நிலையில் இந்த படத்தின் வியாபாரமும் ஏற்கனவே தொடங்கி விட்டதாக கூறப்பட்ட நிலையில் சற்று முன் இந்த படத்தின் வெளிநாட்டு ரிலீஸ் உரிமையை லைகா நிறுவனம் பெற்றுள்ளதாக அதிகாரப்பூர்வமாக அறிவிக்கப்பட்டுள்ளது.

இது குறித்த போஸ்டர் வெளியாகி உள்ள நிலையில் இந்த போஸ்டர் இணையத்தில் வைரல் ஆகி வருகிறது என்பதும் இந்த போஸ்டரில் டிசம்பர் 15ஆம் தேதி இந்த படம் ரிலீஸ் ஆகும் என்பது மீண்டும் உறுதி செய்யப்பட்டுள்ளது என்பது குறிப்பிடத்தக்கது

லைகா நிறுவனம் இந்த படத்தை வெளிநாட்டில் ரிலீஸ் செய்வதால் இந்த படத்திற்கு அதிக திரையரங்குகள் கிடைக்கும் என்று எதிர்பார்க்கப்படுகிறது. தமிழ், தெலுங்கு, ஹிந்தி, மலையாளம், கன்னடம் ஆகிய ஐந்து மொழிகளில் உருவாகியுள்ள இந்த படத்தை சத்யஜோதி பிலிம்ஸ் நிறுவனம் தயாரித்துள்ளது.

ஜிவி பிரகாஷ் இசையமைத்துள்ள இந்த படத்தில் தனுஷ் ஜோடியாக பிரியங்கா மோகன் நடித்துள்ளார். மேலும் இந்த படத்தில் முக்கிய கேரக்டரில் சிவராஜ்குமார், சந்தீப் கிஷான், நிவேதா உள்ளிட்ட பலர் நடித்துள்ளனர்