தனுஷ் நடிப்பில், செல்வராகவன் இயக்கத்தில், யுவன் சங்கர் ராஜா இசையில், கலைபுலி எஸ் தாணு தயாரிப்பில் உருவான திரைப்படம் ’நானே வருவேன்'. இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் முடிவடைந்துள்ளன என்பதும் இந்த படம் வரும் 29ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது என்பதும் தெரிந்ததே.

சமீபத்தில் வெளியான இந்தப் படத்தின் டீசரில் இருந்து தனுஷ், அண்ணன் - தம்பி என்ற இரண்டு கேரக்டரில் நடித்துள்ளார் என்பதும் இருவருக்கும் இடையிலான போராட்டம் தான் இந்த படத்தின் கதை என்பதும் தெரியவந்தது.

இந்த நிலையில் சற்று முன் தனுஷ் தனது ட்விட்டரில் ’நானே வருவேன்’ திரைப்படம் ’யுஏ’ சான்றிதழ் பெற்று உள்ளதாக அதிகாரப்பூர்வமாக அறிவித்து புதிய போஸ்டரையும் வெளியிட்டு உள்ளார். இந்த போஸ்டர் தற்போது வைரலாகி வருகிறது என்பது குறிப்பிடத்தக்கது. மேலும் இந்த திரைப்படம் 122 நிமிடங்கள் ரன்னிங் டைம் எனவும் அதாவது 2 மணி நேரம் 2 நிமிடங்கள் என்றும் தகவல்கள் வெளி ஆகியுள்ளன.

கதாநாயகன் வில்லன் என இரண்டு வித்தியாசமான கேரக்டர்களில் தனுஷ் நடித்துள்ள இந்த படத்தில் எல்லி அவ்ரம், இந்துஜா ரவிச்சந்திரன், யோகி பாபு உள்பட பலர் நடித்துள்ளனர். ஓம் பிரகாஷ் ஒளிப்பதிவில், பிரசன்னா படத்தொகுப்பில் உருவாகியுள்ளது.

Naane varuven U/A pic.twitter.com/U5NmCQxY9r

— Dhanush (@dhanushkraja) September 22, 2022