உலகநாயகன் கமல்ஹாசன் நடித்த ‘விஸ்வரூபம் 2’ படம் உட்பட ஏராளமான படங்களில் நடித்த நடிகைக்கு தாதா சாகேப் பால்கே விருது அறிவிக்கப்பட்டுள்ளது.

பழம்பெரும் நடிகையான வஹிதா ரஹ்மான் என்பவருக்கு சற்றுமுன் தாதா சாகேப் பால்கே விருது அறிவிக்கப்பட்டுள்ளது.

எம்.ஜி.ஆர் நடிப்பில் உருவான ’அலிபாபாவும் 40 திருடர்களும்’ என்ற திரைப்படத்தில் ’சலாம் பாபு, சலாம் பாபு, என்னை பாருங்க’ என்ற பாடலுக்கு அவர் டான்ஸ் ஆடியுள்ளார். மேலும் இவர் ஏராளமான ஹிந்தி படங்களில் நடித்துள்ளார் என்பதும் பெரும்பாலும் ஒரு பாடலுக்கு நடனமாடி உள்ளார் என்பது குறிப்பிடத்தக்கது.

ஏற்கனவே கடந்த 1971 ஆம் ஆண்டு வெளியான ’ரேஷ்மா அவுர் ஷேரா’ என்ற திரைப்படத்தில் சிறப்பாக நடித்ததற்காக இவருக்கு சிறந்த நடிகைக்கான தேசிய விருது கிடைத்தது என்பது குறிப்பிடத்தக்கது.

ஏராளமான இந்தி படங்களிலும் தெலுங்கு திரைப்படங்களில் நடித்த நடிகை வஹிதா ரஹ்மான், கடைசியாக கமல்ஹாசன் நடித்த ‘விஸ்வரூபம் 2’ திரைப்படத்தில் கமல்ஹாசன் அம்மா வேடத்தில் நடித்திருந்தார்.

தற்போது 85 வயதாகும் வஹிதா ரஹ்மானுக்கு தாதா சாகேப் பால்கே விருது கிடைத்துள்ள நிலையில் அவருக்கு வாழ்த்துக்கள் குவிந்து வருகிறது.