close
Choose your channels

తెలంగాణలో కాస్త తగ్గిన కరోనా కేసుల సంఖ్య

Friday, July 10, 2020 • తెలుగు Comments

తెలంగాణలో గురువారానికి సంబంధించిన కరోనా బులిటెన్‌ను వైద్య ఆరోగ్యశాఖ విడుదల చేసింది. అయితే కొద్ది రోజులుగా నమోదవుతున్న కరోనా కేసులతో పోలిస్తే గురువారం కాస్త తగ్గాయి. కొద్ది రోజులుగా తెలంగాణలో 1800లకు పైన పాజిటివ్ కేసులు నమోదవుతుండగా.. గురువారం 5954 శాంపిళ్లను పరిశీలించగా.. 1410 మందికి పాజిటివ్‌గా నిర్ధారణ అయింది. దీంతో ఇప్పటి వరకూ మొత్తం పాజిటివ్ కేసుల సంఖ్య 30,946కు చేరుకుంది. 12423 యాక్టివ్ కేసులుండగా.. 18192 మంది కరోనా నుంచి కోలుకుని డిశ్చార్జ్ అయ్యారు. కాగా నిన్న కరోనా కారణంగా ఏడుగురు మృతి చెందగా.. ఇప్పటి వరకూ మొత్తం మరణాల సంఖ్య 331కి చేరుకుంది. జీహెచ్ఎంసీలో మాత్రం కరోనా విజృంభణ కొనసాగుతోంది. గురువారం కూడా ఒక్క జీహెచ్ఎంసీ పరిధిలోనే 918 కేసులు నమోదయ్యాయి.

Get Breaking News Alerts From IndiaGlitz