close
Choose your channels
NMM
NMM

ஷிவாங்கியை திட்டிய அஜித் ரசிகர்கள்: சமாதானப்படுத்தும் நெட்டிசன்கள்!

Monday, June 14, 2021 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சமீபத்தில் நிறைவு பெற்ற குக் வித் கோமாளி என்ற நிகழ்ச்சியில் கலந்து கொண்ட அனைவரும் வேற லெவலில் பிரபலம் அடைந்தார்கள் என்பது தெரிந்தது. குறிப்பாக கோமாளிகளில் ஒருவரான ஷிவாங்கியை அந்த செட்டில் இருந்தவர்கள் மட்டுமின்றி ரசிகர்களும் தங்கள் வீட்டு பெண்ணாகவே நினைத்து வருகின்றனர். இந்த நிகழ்ச்சிக்கு சிறப்பு விருந்தினராக வந்திருந்த சிவகார்த்திகேயன் கூட ஷிவாங்கி போல் தனக்கு ஒரு தங்கை இல்லையே என்று தான் வருத்தப்படுவதாக தெரிவித்திருந்தது அனைவருக்கும் நெகிழ்ச்சியை ஏற்படுத்தியது.

இந்த நிலையில் அந்த அளவுக்கு அனைவர் மனதிலும் இடம் பிடித்த ஷிவாங்கியை கடந்த சில நாட்களாக அஜித் ரசிகர்கள் மட்டும் திடீரென திட்டி வருவது பெரும் ஆச்சரியத்தை அளித்துள்ளது. சமீபத்தில் தனியார் சேனல் ஒன்றுக்கு பேட்டியளித்த அஸ்வின் மற்றும் ஷிவாங்கி தளபதி விஜய் நடிப்பில் வெளியான கடைசி படம் எது? என்ற கேள்விக்கு ’மாஸ்டர்’ என்று சரியாக பதில் கூறினார். ஆனால் அஜித் நடிப்பில் வெளியான கடைசி படம் என்று கேள்விக்கு மட்டும் அவர் ‘வேதாளம்’ ’விவேகம்’ என்று அவர் கூறினார்.

அதுமட்டுமின்றி தற்போது அஜித் நடித்து வரும் படத்தின் பெயரை கூட அவர் சொல்லவில்லை. இதனை அடுத்து அஜித் ரசிகர்கள் கடுப்பாகி ஷிவாங்கியை திட்டி வருகின்றனர். ஆனால் ஷிவாங்கி வெகுளித்தனமான கூறிய பதிலை வைத்து அவர் அஜித்துக்கு எதிரானவர் என்ற ரீதியில் அவரை திட்ட வேண்டாம் என நெட்டிசன்கள் அஜித் ரசிகர்களை சமாதானம் செய்து வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.