close
Choose your channels
naaney_varuven
Ponniyin_Selvan
Buffoonn

தேசிய கொடியுடன் திரையுலக நட்சத்திரங்கள்! வைரல் புகைப்படங்கள்!

Monday, August 15, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

இந்தியா முழுவதும் இன்று 76 ஆவது சுதந்திர தினம் கொண்டாடப்பட்டு வருகிறது என்பதும் பாரத பிரதமர் நரேந்திர மோடி இன்று டெல்லி செங்கோட்டையில் தேசியக்கொடியை ஏற்றி சிறப்புரையாற்றினார் என்பது தெரிந்ததே. அதேபோல் தமிழக முதல்வர் மு க ஸ்டாலின் இன்று சென்னையில் தேசிய கொடி ஏற்றி சிறப்பு உரையாற்றினார்.

இந்த நிலையில் நாடு முழுவதும் இந்தியாவின் 76 வது சுதந்திர தினம் கொண்டாடப்பட்டு வரும் நிலையில் திரையுலக நட்சத்திரங்களும் இன்றைய சுதந்திர தினத்தில் கலந்து கொண்டனர். இது குறித்து சமூக வலைதளங்களில் வெளியாகி வரும் புகைப்படங்கள் இணையதளங்களில் வைரலாகி வருகிறது என்பது குறிப்பிடத்தக்கது.

’கேஜிஎப்’ நடிகர் யாஷ் சமூக வலைத்தளத்தில் தனது குடும்பத்துடன் தேசியக்கொடியுடன் உள்ள புகைப்படத்தை பதிவு செய்துள்ளார். அதேபோல் பாலிவுட் நடிகர் ஷாருக்கான் தனது குடும்பத்துடன் தேசியக்கொடி அருகே நின்ற புகைப்படத்தை பதிவு செய்துள்ளார்.

நடிகர் மோகன்லால், பாடகி சித்ரா, நடிகர் சோனு சூட் ஆகியோரும் நடிகை அனுஷ்கா தனது கணவர் விராத் கோஹ்லியுடன் தேசிய கொடியை கையில் ஏந்தியுள்ள புகைப்படங்களை பதிவு செய்துள்ளார்கள்.

நடிகர் சூரி தனது வீட்டில் தேசிய கொடியேற்றியதை அடுத்து அந்த கொடியின் அருகே எடுத்த புகைப்படத்தை தனது சமூக வலைத்தளத்தில் பதிவு செய்துள்ளார். சூப்பர் ஸ்டார் ரஜினிகாந்த், தளபதி விஜய், இசைஞானி இளையராஜா உள்பட பலர் தங்களது வீடுகளில் தேசியக் கொடியை ஏற்றி சுதந்திர தினத்தை கொண்டாடி வருகின்றனர் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.