close
Choose your channels

టాలీవుడ్‌లో విషాదం.. కొరియోగ్రాఫర్ శివశంకర్ మాస్టర్ కన్నుమూత

Sunday, November 28, 2021 • తెలుగు Comments

టాలీవుడ్‌లో విషాదం.. కొరియోగ్రాఫర్ శివశంకర్ మాస్టర్ కన్నుమూత

ప్రముఖ కొరియోగ్రాఫర్ శివశంకర్ మాస్టర్ కన్నుమూశారు. ఆయన వయసు 72 సంవత్సరాలు. గత కొద్దిరోజులుగా కరోనాతో బాధపడుతున్న మాస్టర్ కొద్దిసేపటి క్రితమే తుదిశ్వాస విడిచారు. కోవిడ్ బారినపడిన శివశంకర్ మాస్టర్ హైదరాబాద్‏లోని ఏఐజీ ఆసుపత్రిలో చికిత్స చేరారు. అదే సమయంలో శివశంకర్ మాస్టర్ భార్యకు కూడా కరోనా సోకడంతో ఆమె హోం క్యారంటైన్లో ఉన్నారు. పెద్ద కుమారుడు కూడా కోవిడ్ బారినపడి ఆసుపత్రిలో చికిత్స తీసుకుంటున్నారు.

టాలీవుడ్‌లో విషాదం.. కొరియోగ్రాఫర్ శివశంకర్ మాస్టర్ కన్నుమూత

దీంతో మాస్టర్ చిన్న కుమారుడు అజయ్ కృష్ణ తన తండ్రి, అన్న, అమ్మ బాగోగులు చూసుకుంటూ వచ్చారు. శివశంకర్ మాస్టర్ ఊపిరితిత్తులకు ఇన్ ఫెక్షన్ సోకిందని..75శాతం ఇనెఫెక్షన్ ఉండడంతో ఆయన ఆరోగ్యం విషమంగా ఉందని వైద్యులు చెప్పారు. ఆయన వైద్య ఖర్చుల కోసం రోజుకు లక్ష రూపాయలు వరకు ఖర్చు అవుతుండటంతో సోనూసూద్, ధనుష్, చిరంజీవిలు వంటి వారు సాయం చేశారు కూడా. అయినప్పటికీ శివశంకర్ మాస్టర్ కన్నుమూయడంతో సినీ పరిశ్రమ శోక సంద్రంలో మునిగిపోయింది. పలువురు ప్రముఖులు ఆయన కుటుంబానికి సంతాపం తెలియజేశారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.   

Get Breaking News Alerts From IndiaGlitz