close
Choose your channels

మెగాస్టార్ ఫ్యాన్స్‌కి శివరాత్రి కానుక.. ‘భోళా శంకర్’ ఫస్ట్ లుక్ రిలీజ్

Tuesday, March 1, 2022 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

మెగాస్టార్ ఫ్యాన్స్‌కి శివరాత్రి కానుక.. ‘భోళా శంకర్’ ఫస్ట్ లుక్ రిలీజ్

టాలీవుడ్ అగ్ర కథానాయకుడు, మెగాస్టార్ చిరంజీవి హీరోగా నటిస్తోన్న సినిమా ‘‘భోళా శంకర్’’. మెహ‌ర్ ర‌మేష్ ద‌ర్శ‌క‌త్వం వ‌హిస్తున్న ఈ సినిమాను క్రియేటివ్ క‌మ‌ర్షియ‌ల్స్‌, ఏకే ఎంట‌ర్‌టైన్మెంట్స్ బ్యాన‌ర్స్‌పై... రామ బ్ర‌హ్మం సుంక‌ర నిర్మిస్తున్నారు. ప్రముఖ నిర్మాత అనిల్ సుంక‌ర నిర్మాణ బాధ్యతలు పర్యవేక్షిస్తున్నారు. ఇందులో మెగాస్టార్ సరసన తమన్నా హీరోయిన్‌గా నటిస్తుండగా.. మహానటి ఫేం కీర్తి సురేష్ ఆయనకు చెల్లెలిగా నటిస్తున్నారు. రఘుబాబు, రావు రమేశ్, మురళీ శర్మ తదితరులు కీలకపాత్ర పోషిస్తున్నారు. మహతి సాగర్ సంగీతం అందిస్తుండగా.. డుడ్లీ ఛాయాగ్రహణ బాధ్యతలు నిర్వర్తిస్తున్నారు. అజిత్ హీరోగా తమిళంలో వేదాళంకు రీమేక్‌గా ఈ సినిమాను తెర‌కెక్కిస్తున్నారు.

మెగాస్టార్ ఫ్యాన్స్‌కి శివరాత్రి కానుక.. ‘భోళా శంకర్’ ఫస్ట్ లుక్ రిలీజ్

మహా శివరాత్రి పర్వదినాన్ని పురస్కరించుకుని ఈ సినిమా ఫ‌స్ట్‌లుక్‌, మోష‌న్ పోస్ట‌ర్‌ను చిత్ర యూనిట్ విడుద‌ల చేసింది. మెగాస్టార్ చిరంజీవి త‌న ట్విట్ట‌ర్‌లో ఫ‌స్ట్‌లుక్‌, మోష‌న్ పోస్ట‌ర్‌లను షేర్ చేశారు. ఈ పోస్టర్‌లో స్టైల్‌గా జీపు మీద కూర్చుని కీ చైన్‌ను తిప్పుతూ క‌నిపిస్తున్నారు చిరంజీవి. చాలా రోజుల త‌ర్వాత ప‌క్కా మాస్‌లుక్‌, మాస్ పాత్ర‌లో మెగాస్టార్ కనిపించబోతున్నారు. ఆయనను అభిమానులు ఎలా చూడాలనుకుంటున్నారో ఆ విధంగానే ‘భోళా శంకర్’ ను తెరకెక్కిస్తున్నారు మెహర్ రమేష్.

మెగాస్టార్ ఫ్యాన్స్‌కి శివరాత్రి కానుక.. ‘భోళా శంకర్’ ఫస్ట్ లుక్ రిలీజ్

ఇక చిరంజీవి వరుసపెట్టి సినిమాలు చేస్తున్న సంగతి తెలిసిందే. ప్రస్తుతం మోహన రాజా దర్శకత్వంలో గాడ్‌ఫాదర్‌తో పాటు బాబీ డైరెక్షన్‌లో ‘‘వాల్తేర్ వీరయ్య’’, వెంకీ కుడుముల దర్శకత్వంలో మరో సినిమా చేయనున్నారు మెగాస్టార్. ఇక ఏప్రిల్ 29న కొరటాల శివ దర్శకత్వంలో తెరకెక్కిన చిరంజీవి నటించిన ఆచార్యను రిలీజ్ చేయనున్నట్లు మేకర్స్ ప్రకటించారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.