close
Choose your channels

ராஷ்மிகாவின் போலி வீடியோ.. 3 ஆண்டுகள் சிறை.. மத்திய அரசு அதிரடி..!

Tuesday, November 7, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

நடிகை ராஷ்மிகா மந்தனாவின் போலி வீடியோ இணையத்தில் வைரலாகி பெரும் அதிர்ச்சியை ஏற்படுத்திய நிலையில் இது போன்ற போலி வீடியோக்களை வெளியிட்டால் இனிமேல் மூன்று ஆண்டுகள் சிறை தண்டனை விதிக்கப்படும் என மத்திய அரசு அதிரடியாக அறிவித்துள்ளது.

நடிகை ராஷ்மிகா மந்தனாவின் கவர்ச்சி போலி வீடியோ ஒன்று கடந்த சில நாட்களாக இணையத்தில் வைரலானது. ஷாரா படேல் என்ற நடிகையின் ஒரிஜினல் வீடியோவில் உள்ள வீடியோவில் ராஷ்மிகாவின் முகத்தை பொருத்தி போலி வீடியோவாக ஏஐ டெக்னாலஜி மூலம் உருவாக்கி இணையத்தில் மர்ம நபர்கள் சிலர் பதிவு செய்துள்ளனர்.

இந்த வீடியோவுக்கு பாலிவுட் நடிகர் அமிதாப்பச்சன் உள்பட பலர் கண்டனம் தெரிவித்தனர். நடிகை ராஷ்மிகா மந்தனாவும் இது குறித்து விளக்கம் அளித்து இருந்தார்

இந்த நிலையில் போலியாக வீடியோ சித்தரித்து வெளியிட்டால் மூன்று ஆண்டுகள் சிறை தண்டனை என்றும் போலி வீடியோ குறித்து புகார் அளித்த 24 மணி நேரத்திற்குள் சர்ச்சைக்குரிய வீடியோவை நீக்க நடவடிக்கை எடுக்க வேண்டும் என்றும் மத்திய அரசு தெரிவித்துள்ளது.

மேலும் போலி வீடியோ தொடர்பாக சமூக வலைதள நிறுவனங்களுக்கு எச்சரிக்கை கொடுக்கப்பட்டுள்ளதாகவும் போலி வீடியோ வெளியிட்டதாக குற்றம் நிரூபிக்கப்பட்டால் மூன்று ஆண்டுகள் சிறை தண்டனை மற்றும் ஒரு லட்ச ரூபாய் அபராதம் விதிக்கப்படும் என்றும் மத்திய அரசு தெரிவித்துள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.