close
Choose your channels

கேப்டன் மகன் விஜய பிரபாகரனின் திடீர் கெட்டப் சேஞ்ச்: வைரல் புகைப்படங்கள்

Wednesday, August 4, 2021 • தமிழ் Comments

கேப்டன் விஜயகாந்தின் மூத்த மகன் அரசியலிலும், இளைய மகன் சினிமாவிலும் இருந்துவரும் நிலையில் மூத்த மகன் விஜய் பிரபாகரனின் திடீர் கெட்டப் சேஞ்ச் பெரும் பரபரப்பை ஏற்படுத்தியது.

கேப்டன் விஜயகாந்தின் மூத்த மகன் விஜய பிரபாகரன் கடந்த சில ஆண்டுகளாக தீவிர அரசியலில் ஈடுபட்டு வருகிறார் என்பதும், சமீபத்தில் நடந்த சட்டமன்ற தேர்தலில் தமிழகத்தின் பல பகுதிகளில் தேமுதிக வேட்பாளர்களுக்காக பிரசாரம் செய்தார் என்பதும் குறிப்பிடத்தக்கது.
இந்த நிலையில் விஜய பிரபாகரன் தனது இன்ஸ்டாகிராம் பக்கத்தில் பதிவு செய்துள்ள புகைப்படம் ஒன்றில் வித்தியாசமான ஹேர் ஸ்டைலில் கெட்டப் சேஞ்ச் செய்துள்ளார். அவருடைய இந்த கெட்டப் சேஞ்ச் மற்றும் ஹேர் ஸ்டைல் விஜயகாந்த் ரசிகர்கள் மத்தியில் பெரும் பரபரப்பை ஏற்படுத்தி உள்ளது.

விஜய் பிரபாகரனின் ஹேர்ஸ்டைல் மாஸ் ஆக இருப்பதாகவும் அவர் தாராளமாக சினிமாவில் ஹீரோவாக நடிக்கலாம் என்றும் கமெண்ட்ஸ்கள் பதிவாகி வருகிறது. ஒரு ஆக்சன் ஹீரோவுக்கான அப்பட்டமான முகம் என்றும் எங்கள் மண்ணின் மகன் திரையுலகில் அறிமுகமானால் கண்டிப்பாக வெற்றி பெறுவார் என்றும் கமெண்ட்ஸ் பதிவாகி வருகிறது. இதனை அடுத்து அரசியலுக்கு முழுக்கு போட்டுவிட்டு விஜய் பிரபாகரன் தனது சகோதரர் சண்முகப்பண்டியன் போல் சினிமாவுக்கு வருவாரா என்பதை பொறுத்திருந்து பார்ப்போம்.

Get Breaking News Alerts From IndiaGlitz