close
Choose your channels

செக்மேட் ஃபார் அர்ச்சனா: ஆரி, பாலாஜியால் உடைகிறதா அன்பு குரூப்?

Tuesday, December 8, 2020 • தமிழ் Comments

பிக்பாஸ் நிகழ்ச்சியில் கால் சென்டர் டாஸ்க்கில் மூன்று இடங்கள் பெற்றவர்கள் தங்களை நாமினேஷன் இருந்து காப்பாற்றிக் கொண்டு இன்னொருவரை நாமினேட் செய்யலாம் என்று பிக்பாஸ் அறிவித்திருந்தார்

இதனை அடுத்து முதலிடத்தை பெற்ற ஆரி தன்னை காப்பாற்றிக் கொண்டு தனக்கு பதிலாக ஜித்தன் ரமேஷை நாமினேட் செய்தார். அதன் பிறகு இரண்டாவதாக வந்த பாலாஜி கேப்ரில்லாவை நாமினேட் செய்தார். சனம்ஷெட்டிக்கு பதிலாக வந்த அர்ச்சனாவுக்கு சோம், ஆஜித் மற்றும் ரியோ ஆகிய மூவரில் ஒருவரை மட்டுமே நாமினேட் செய்ய வேண்டிய நிலை இருந்தது

தன்னுடைய குரூப்பில் உள்ளவர்களையே நாமினேட் செய்ய வேண்டிய நிலை அர்ச்சனாவுக்கு முதல்முறையாக ஏற்பட்டது. அர்ச்சனா ஒரு நிமிடம் தயங்கி நீண்ட யோசனைக்குப் பிறகு சோம்சேகரை நாமினேட் செய்தார்

நாமினேட் செய்து விட்டு வெளியே வந்த அர்ச்சனாவை ’உங்களுக்கு ரொம்ப சிக்கலாக இருந்திருக்குமே, எங்கே குத்த வேண்டும் என்று ரொம்ப யோசித்து இருப்பீர்களே’ என பாலாஜி கலாய்த்தார். பாலாஜியின் கலாய்ப்பு முதலில் அர்ச்சனாவுக்கு புரியவில்லை என்றாலும் நாமினேஷன் பிராசஸ் முடிந்த பின்னர் யார் யார் நாமினேஷன் பட்டியலில் உள்ளனர் என்பதை பிக் பாஸ் அறிவித்த பின்னர் பாலாஜி சொன்னதை புரிந்து கொண்ட அர்ச்சனா, பாலாஜியிடம் இது குறித்து பேசுகிறார்

60 நாட்களுக்கு பிறகு முதல்முறையாக அர்ச்சனாவின் அன்பு குரூப்பில் உள்ள நால்வர் நாமினேஷனில் சிக்கியுள்ளனர். இந்த வாரம், ரம்யா, ஷிவானி, கேபி, சோம், ஜித்தன் ரமேஷ், நிஷா என ஆறு பேர் நாமினேட் செய்யப்பட்டுள்ள நிலையில் ரம்யா, ஷிவானி ஆகிய இருவரும் காப்பாற்றப்பட்டால், அன்பு குரூப் உடைவது உறுதி என்பது குறிப்பிடத்தக்கது. குறிப்பாக சோம் வெளியேறினால், தன்னால் தான் சோம் வெளியேறியதாக அர்ச்சனா குரூப் சோகமாவது உறுதி. இருப்பினும் மக்கள் தீர்ப்பு என்ன என்பதை பொறுத்திருந்து பார்ப்போம்
 

Get Breaking News Alerts From IndiaGlitz