தளபதி விஜய் நடித்த ‘சச்சின்’ திரைப்படம் விரைவில் ரீ ரிலீஸ் செய்யப்பட இருப்பதாக, அந்த படத்தின் தயாரிப்பாளர் தாணு சமீபத்தில் அறிவித்துள்ளார். இதனால், அனேகமாக ஏப்ரல் மாதத்தில் இந்த படம் வெளியாகலாம் என்று எதிர்பார்க்கப்படுகிறது.

இந்த நிலையில், ‘சச்சின்’ படத்திற்கு முன்பே விஜய் நடித்த இன்னொரு அதிரடி ஆக்சன் படம் ரிலீஸ் ஆக இருப்பதாக அறிவிக்கப்பட்டுள்ளது. இதற்கான புதிய போஸ்டரும் இணையத்தில் வைரல் ஆகி வருகிறது.

கடந்த 2002 ஆம் ஆண்டு, விஜய் நடிப்பில் ஏ. வெங்கடேஷ் இயக்கத்தில் உருவான ’பகவதி’ திரைப்படம், அப்போது 4 கோடி ரூபாய் பட்ஜெட்டில் தயாரிக்கப்பட்டு நல்ல வரவேற்பை பெற்றது. மேலும், இந்த படத்தில் தான் நடிகர் ஜெய், விஜய்யின் சகோதராக நடித்திருந்தார் என்பது குறிப்பிடத்தக்கது.

இந்த நிலையில், ’பகவதி’ திரைப்படம் மார்ச் 21 ஆம் தேதி ரீ-ரிலீஸ் ஆக இருப்பதாக அறிவிக்கப்பட்டு புதிய போஸ்டரும் வெளியிடப்பட்டுள்ள நிலையில், அந்த போஸ்டர் தற்போது இணையத்தில் வைரல் ஆகி வருகிறது. தமிழகத்தில் மதன் மூவிஸ் இந்த படத்தை ரிலீஸ் செய்வதாக அதிகாரப்பூர்வமாக அறிவித்துள்ளது.

விஜய் ரசிகர்களுக்கு சச்சின் படத்திற்கு முன்பே இன்னொரு ரீரிலீஸ் படம் கிடைத்திருப்பதால் குஷில் உள்ளனர்.