சூப்பர் ஸ்டார் ரஜினிகாந்த் நடிக்க இருக்கும் ‘ஜெயிலர் 2’ திரைப்படம் குறித்த அதிகாரப்பூர்வ அறிவிப்புடன் கூடிய வீடியோ சமீபத்தில் வெளியாகி, இணையத்தில் வைரலானது. இந்நிலையில் இந்த படம் குறித்த முக்கிய தகவல் இணையத்தில் கசிந்து, பரபரப்பை ஏற்படுத்தியுள்ளது.

சூப்பர் ஸ்டார் ரஜினிகாந்த் நடிப்பில், நெல்சன் இயக்கத்தில் உருவான ‘ஜெயிலர் ’ திரைப்படம் கடந்த 2023 ஆம் ஆண்டு வெளியானது. அது மிகப்பெரிய வெற்றியை பெற்றதோடு, 600 கோடிக்கு மேல் வசூல் செய்து சாதனை செய்ததாக கூறப்பட்டது.

இந்த நிலையில், இந்த படத்தின் இரண்டாம் பாகத்தின் அறிவிப்பு சமீபத்தில் வெளியானது. முதல் பாகத்தில் நடித்த அனைவருமே கிட்டத்தட்ட இரண்டாம் பாகத்திலும் நடிப்பார்கள் என்று எதிர்பார்க்கப்படுகிறது. அந்த வகையில், ரம்யா கிருஷ்ணன், மிர்னா, தமன்னா, யோகி பாபு, சுனில் உள்ளிட்டோர் இரண்டாம் பாகத்தில் நடிக்க உள்ளதாக கூறப்படுகிறது.

குறிப்பாக, முதல் பாகத்தில் மோகன்லால், சிவராஜ்குமார் மற்றும் ஜாக்கி ஷெராப் ஆகியோர் சிறப்பு தோற்றத்தில் நடித்திருந்தனர். தற்போது, சிவராஜ்குமார் புற்றுநோயால் பாதிக்கப்பட்டு சிகிச்சை பெற்று வருகிறார். இதனால், அவர் ‘ஜெயிலர் 2’ படத்தில் நடிக்க முடியாது என்பதால், அவருக்கு பதிலாக தெலுங்கு மாஸ் நடிகர் பாலையா நடிக்க வாய்ப்புள்ளதாக கூறப்படுகிறது.

இது குறித்த பேச்சுவார்த்தை நடைபெற்று வருவதாகவும், விரைவில் இந்த தகவல் உறுதி செய்யப்படும் என்றும் சமூக வலைதளங்களில் ஒரு செய்தி கசிந்து வருகிறது. இது எந்த அளவுக்கு உண்மை என்பதை பொறுத்திருந்து பார்ப்போம்.