close
Choose your channels
IKK

தயாரிப்பாளராக மாறிய விஜய் இயக்குனர்

Friday, February 12, 2016 • தமிழ் Comments

பிரமாண்ட இயக்குனர் ஷங்கரிடம் உதவியாளராக இருந்து 'ராஜா ராணி' என்ற படத்தின் மூலம் இயக்குனரான அட்லி, அந்த படத்தின் வெற்றி காரணமாக விஜய்யின் 'தெறி' படத்தை இயக்கும் வாய்ப்பை பெற்றார். 'இரண்டே படங்கள் இயக்கிய அட்லி தற்போது தயாரிப்பாளராகவும் மாறியுள்ளார்.

இயக்குனர் அட்லி A for Apple Entertainment என்ற புதிய நிறுவனத்தை தொடங்கியுள்ளதாகவும், ஜீவா நடிக்கும் அடுத்த படத்தினை இந்த நிறுவனத்தின் மூலம் அவர் தயாரிக்கவிருப்பதாகவும் செய்திகள் வெளிவந்துள்ளது. இந்த படத்தை அட்லியின் நிறுவனமும் ஃபாக்ஸ் ஸ்டார் ஸ்டுடியோஸ் நிறுவனமும் இணைந்து தயாரிக்கவுள்ளதாக கூறப்படுகிறது.

முழுக்க முழுக்க காமெடியை மையமாக வைத்து உருவாகவுள்ள இந்த படத்தின் கதையை அட்லி எழுதியுள்ளார் என்பது குறிப்பிடத்தக்கது. ஏற்கனவே 'கவலை வேண்டாம்', 'போக்கிரி ராஜா', 'திருநாள்' ஆகிய படங்களில் நடிகர் ஜீவா நடித்து கொண்டிருக்கும் நிலையில் தற்போது மேலும் ஒரு புதிய படத்தில் அவர் நடிக்கவுள்ளார் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz