close
Choose your channels
marketraja
enpt
Bigil

பொன்னியின் செல்வன் படத்தில் இணைந்த 'அசுரன்' பட நடிகர்

Saturday, November 16, 2019 • தமிழ் Comments

மணிரத்னம் இயக்கவுள்ள ‘பொன்னியின் செல்வன்’ படத்தில் ஏற்கனவே கிட்டத்தட்ட இந்தியாவில் உள்ள முன்னணி நட்சத்திரங்கள் இணைந்து நடிக்க ஒப்பந்தமாகி வருகின்றனர். இந்த நிலையில் இந்த படத்தில் லேட்டஸ்ட்டாக ‘அசுரன்’ படத்தில் நடித்த நடிகர் ஒருவர் இணைந்துள்ளார்.

வெற்றிமாறன் இயக்கத்தில் தனுஷ், மஞ்சுவாரியர் நடித்த ‘அசுரன்’ திரைப்படத்தில் தனுஷின் மூத்த மகன் கேரக்டரில் நடித்த தீஜே என்பவர் ‘பொன்னியின் செல்வன்’ படத்தில் நடிக்க ஒப்பந்தமாகியிருப்பதாக செய்திகள் வெளிவந்துள்ளது. இவர் இந்த படத்தில் ஒரு முக்கிய வேடத்தில் நடிக்கவுள்ளார்.

வரும் டிசம்பர் முதல் ‘பொன்னியின் செல்வன்’ திரைப்படத்தின் படப்பிடிப்பு தாய்லாந்தில் நடைபெறவுள்ளது. இந்த படத்தில் வந்தியத்தேவன் கேரக்டரில் கார்த்தி, அருள்மொழிவர்மன் கேரக்டரில் ஜெயம் ரவி, பூங்குழலி கேரக்டரில் நயன்தாரா, சுந்தரசோழன் கேரக்டரில் அமிதாப்பச்சன், ஆதித்த கரிகாலன் கேரக்டரில் விக்ரம், குந்தவை கதாபாத்திரத்தில் கீர்த்தி சுரேஷ், நடிக்கவுள்ளதாக கூறப்படுகிறது. மேலும் ’நந்தினி’ மற்றும் மந்தாகினி ஆகிய இரண்டு கேரக்டரில் ஐஸ்வர்யாராய் நடிக்கவுள்ளார்.

ஏ.ஆர்.ரஹ்மான் இசையில் வைரமுத்து 12 பாடல் வரிகளில், ரவிவர்மன் ஒளிப்பதிவில் தோட்டாதரணி கலை இயக்கத்தில் உருவாகவிருக்கும் இந்த படம் இந்திய சினிமாவின் பெருமைக்குரிய படமாக இருக்கும் என்றும் கருதப்படுகிறது
 

Get Breaking News Alerts From IndiaGlitz