close
Choose your channels

எவர்கிரீன் உலக அழகி ஐஸ்வர்யா ராய்க்கு பிறந்தநாள் வாழ்த்துகள்!

Monday, November 1, 2021 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பாலிவுட் பிரபல நடிகை ஐஸ்வர்யா ராய் இன்று தனது 48 ஆவது பிறந்தநாளை கொண்டாடி வருகிறார். அவருக்கு ரசிகர்கள் மற்றும் பிரபலங்கள் பலரும் வாழ்த்துகளைத் தெரிவித்து வருகின்றனர்.

உலக அழகிப்போட்டியில் கடந்த 1997 ஆம் ஆண்டு வெற்றிப்பெற்றவர் ஐஸ்வர்யா ராய். அதற்குப் பிறகு இந்தியர்களின் மனதில் என்றும் உலக அழகியாகவே குடிகொண்டு விட்டார். அந்த அளவிற்கு இந்திய ரசிகர்கள் மனதில் தாக்கத்தை ஏற்படுத்திய இவர் முதன் முதலில் இயக்குநர் மணிரத்னம் இயக்கத்தில் வெளியான “இருவர்“ படத்தின் மூலம் சினிமாவிற்கு அறிமுகமானார்.

அதற்குப் பிறகு நடிகர் பிரசாந்த் நடிப்பில் வெளியான “ஜீன்ஸ்” படத்தில் நடித்து ஒட்டுமொத்த இந்தியர்களையும் கட்டிப்போட்டார். திறமையான நடிப்பு, வேகமான நடின அசைவு மற்றும் அழகான சிரிப்பு மூலம் ரசிகர்களிடம் ஏகபோக வரவேற்பை பெற்ற இவர் இந்தி, தமிழ், பெங்காலி, ஆங்கிலம் எனப் பல மொழிகளில் நடித்துள்ளார்.

நடிகர் மம்முட்டி, தபு, அஜித் ஆகியோர் நடிப்பில் உருவான “கண்டுகொண்டேன் கண்டுகொண்டேன்“ திரைப்படத்தில் நடிகை ஐஸ்வர்யா போட்டிப் போட்டு நடித்திருப்பார். அதேபோல பாலிவுட்டில் உருவாகி தமிழில் வெளியிடப்பட்ட “தாளம்“ திரைப்படத்தின் மூலமும் தமிழ் ரசிகர்களிடம் வரவேற்பை பெற்றிருந்தார். சமீபத்தில் வெளியான “ராவணன்“ திரைப்படத்திற்கு பிறகு நடிகை ஐஸ்வர்யா ராய் தற்போது “பொன்னியின் செல்வன்“ திரைப்படத்தில் நடித்துவருகிறார்.

ஒட்டுமொத்த சினிமா ரசிகர்களிடையே பெரும் தாக்கத்தை ஏற்படுத்திய நடிகை ஐஸ்வர்யா ராய் கடந்த 2007 ஆம் ஆண்டு நடிகர் அபிஷேக் பச்சனை திருமணம் செய்துகொண்டார். இதனால் பாலிவுட் பிக் பி அமிதாப் பச்சன் மற்றும் முன்னணி நடிகை ஜெயா பச்சனுக்கு மருமகள் ஆனார். தற்போது அபிஷேக்- ஐஸ்வர்யா ஜோடிக்கு ஆராத்யா எனும் அழகான மகள் இருப்பதும் குறிப்பிடத்தக்கது.

எவர்கிரீன் உலக அழகியான ஐஸ்வர்யா ராய் தனது 48 ஆவது பிறந்தநாளை இன்று கொண்டாடி வருகிறார். இதையடுத்து அவருடைய குடும்பப் புகைப்படங்கள் சோஷியல் மீடியாக்களில் வைரலாகி வருகின்றன.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.