close
Choose your channels

வசந்தபாலன் இயக்கும் அடுத்த படத்தில் 'மாஸ்டர்' நடிகர்!

Monday, January 4, 2021 • தமிழ் Comments

’ஆல்பம்’ என்ற திரைப்படத்தில் இயக்குனராக அறிமுகமான இயக்குனர் வசந்தபாலன் அதன் பின்னர் ’வெயில்’ ’அங்காடித்தெரு’ ’அரவான்’ ’காவியத்தலைவன்’ உள்ளிட்ட படங்களை இயக்கியுள்ளார். தற்போது அவர் ஜிவி பிரகாஷ் நடித்த ’ஜெயில்’ என்ற படத்தை இயக்கி முடித்துள்ளார் என்பதும் இந்த படம் விரைவில் திரைக்கு வர உள்ளது என்பது குறிப்பிடத்தக்கது.

இந்த நிலையில் தற்போது வசந்தபாலன் இயக்கவுள்ள அடுத்த படம் குறித்த தகவல் வெளிவந்துள்ளது. கடந்த ஆண்டு பாலிவுட்டில் வெளியான ’தி லிஃப்ட் பாய்’ என்ற படத்தின் தமிழ் ரீமேக் படத்தை தான் வசந்தபாலன் இயக்க இருப்பதாகவும் இந்த படத்தில் ’கைதி’ ’மாஸ்டர்’ உள்ளிட்ட படங்களில் நடித்த அர்ஜுன் தாஸ் முக்கிய வேடத்தில் நடிக்கவிருப்பதாகவும் தகவல்கள் வெளிவந்துள்ளன.

இந்த படத்தின் படப்பிடிப்பு விரைவில் தொடங்கும் என்று கூறப்படுகிறது. மேலும் இந்த படத்தில் நடிக்கும் மற்ற நடிகர் நடிகையர் தேர்வு செய்யப்பட்டு வருவதாகவும் விரைவில் இந்த படம் குறித்த அதிகாரப்பூர்வ அறிவிப்பு வெளிவரும் என்றும் கூறப்படுகிறது.


 

Get Breaking News Alerts From IndiaGlitz