close
Choose your channels

'இந்தி தெரியாது போடா' டீசர்ட்: ஆர்டர் கொடுத்தது கனிமொழி, உற்பத்தி செய்து கொடுத்தது திமுக நிர்வாகி!

Wednesday, September 9, 2020 • தமிழ் Comments

சமீபத்தில் சமூக வலைத்தளங்களில் மிகப்பெரிய அளவில் டிரெண்டான ‘இந்தி தெரியாது போடா’ மற்றும் ‘ஐ எம் எ தமிழ் பேசும் இந்தியன்’ ஆகிய வாசகங்களை கொண்ட டீசர்ட்களை திரையுலக பிரபலங்கள் அணிந்தது இந்திய அளவில் டிரெண்டானது. இந்த நிலையில் இந்த டீசர்ட்டுகளை ஆர்டர் கொடுத்தது திமுக எம்பி கனிமொழி என்றும், இதனை உற்பத்தி செய்த பனியன் நிறுவனம் திமுகவுக்கு சொந்தமானது என்றும் தெரிய வந்துள்ளது.

இந்த டீசர்ட்களை தயாரித்து வழங்கியவரும், திருப்பூர் மாவட்ட திமுக மாணவரணி துணை அமைப்பாளராகவும் உள்ள திருப்பூர் வீரபாண்டி பகுதியைச் சேர்ந்த கார்த்திகேயன் என்பவர் ஊடகம் ஒன்றுக்கு அளித்த பேட்டியில் கூறியதாவது:

தூத்துக்குடி நாடாளுமன்ற உறுப்பினர் கனிமொழி இந்த டி-சர்ட் டிசைன்களை கொடுத்து ஆர்டர் வழங்கினார். முதல் கட்டமாக 1500 டி- சர்ட்கள் தயாரித்து கொடுத்தேன். திரைப்பிரபலங்கள் அணிந்ததை அடுத்து ஒரே நாளில் மிகப்பெரும் டிரண்ட் ஆனதால் தற்பொழுது 15 ஆயிரத்திற்கும் மேற்பட்ட டிசர்ட்களுக்கான ஆர்டர்கள் வந்துள்ளது.

அமெரிக்கா, கத்தார் போன்ற நாடுகளில் இருந்தும் ஆர்டர்கள் குவிந்து வருகிறது. திருப்பூருக்கு இதன் மூலம் அதிக ஆர்டர்கள் கிடைக்கும். தொழிலாளர்கள் வேலை வாய்ப்பு பெறுவார்கள் என தெரிவித்தார்.

Get Breaking News Alerts From IndiaGlitz