close
Choose your channels

ஆந்தாலஜி திரைப்படத்திற்காக இணையும் ரஜினி, விஜய், அஜித் இயக்குனர்கள்!

Sunday, November 1, 2020 • தமிழ் Comments

தமிழ் திரை உலகின் முன்னணி இயக்குனர்கள் தற்போது ஆந்தாலஜி திரைப்படங்களை இயக்கி வருகிறார்கள் என்பதை அவ்வப்போது பார்த்து வருகிறோம். அந்த வகையில் தற்போது ’விக்டிம்’ என்ற புதிய ஆந்தாலஜி திரைப்படம் உருவாக உள்ளது. இந்த திரைப்படத்தை தமிழ் சினிமாவின் முன்னணி இயக்குனர்கள் நால்வர் இயக்க உள்ளதாக அறிவிக்கப்பட்டுள்ளது.

’விக்டிம்’ என்ற ஆந்தாலஜி திரைப்படத்தை சூப்பர் ஸ்டார் ரஜினிகாந்த் நடித்த கபாலி, காலா படங்களை இயக்கிய பா ரஞ்சித், அஜீத் நடித்த மங்காத்தா படத்தை இயக்கிய வெங்கட்பிரபு, விஜய் நடித்த ’புலி’ என்ற படத்தை இயக்கிய சிம்புதேவன் என ரஜினி, அஜித், விஜய் இயக்குனர்கள் இயக்க உள்ளனர். இவர்களுடன் எம்.ராஜேஷ் அவர்களும் இந்த ஆந்தாலஜி படத்தில் இணைந்துள்ளார் என்பது குறிப்பிடத்தக்கது.

இந்த படத்திலும் மற்ற ஆந்தாலஜி திரைப்படங்கள் போலவே முன்னணி நடிகர்கள், நடிகைகள் நடிக்க வாய்ப்பு இருப்பதாகவும் இது குறித்த தகவல்கள் விரைவில் வெளிவரும் என்றும் எதிர்பார்க்கப்படுகிறது.

Get Breaking News Alerts From IndiaGlitz