close
Choose your channels

ఏఎన్నార్ నా హృదయంలో ఉన్నారు: రేఖ

Monday, November 18, 2019 • తెలుగు Comments

ఏఎన్నార్ నా హృదయంలో ఉన్నారు: రేఖ

టాలీవుడ్ దివంగత నటుడు ఏఎన్నార్ తన హృదయంలో ఉన్నారని బాలీవుడ్ అందాలరాశి, దక్షిణాది నుంచి వెళ్లి బాలీవుడ్‌ను ఏలిన రేఖ అన్నారు. అన్నపూర్ణ స్టూడియోలో అక్కినేని జాతీయ పురస్కారాల వేడుక ఘనంగా జరిగింది. 2019 సంవత్సరానికి రేఖకు అక్కినేని జాతీయ పురస్కారాలకు ఎంపికైన విషయం తెలిసిందే. ఇవాళ ఈ అవార్డ్‌ను మెగాస్టార్ చిరంజీవి చేతుల మీదుగా రేఖ అవార్డ్‌ను అందుకున్నారు. ఈ సందర్భంగా కార్యక్రమంలో మాట్లాడిన రేఖ పలు ఆసక్తికర విషయాలు పంచుకున్నారు.

మా అమ్మ కోరిక మేరకు..!

‘అన్నపూర్ణ స్టూడియోకు వస్తే నా సొంతింటికి వచ్చినట్టుంది. వేదాంతం రాఘవయ్యగారు మా చిన్నాన్న. నా జీవితంలో మొదటి సారి చూసిన చిత్రం అక్కినేని సువర్ణసుందరి. సువర్ణసుందరి ఒక వందసార్లు చూసి ఉంటాను. నేను ఈ వేదికపై ఉన్నానంటే అక్కినేని, అంజలిదేవి కారణం. ఏఎన్నార్ నా హృదయంలో ఉన్నారు. మా అమ్మ ఆఖరి కోరిక మేరకు తెలుగు సినిమా చేశాను’ అని రేఖ చెప్పుకొచ్చారు. కాగా అంతకుముందు రేఖ గురించి నాగ్ మాట్లాడుతూ.. రేఖను పొగడ్తల్లో ముంచేశారు. రేఖ..‘ కాలంతో పనిలేని అందగత్తె’ అని అభివర్ణించారు. ఈ అవార్డుల వేడుకకు మెగాస్టార్ చిరంజీవి, రేఖ, బోనీకపూర్ తదితరులు హాజరయ్యారు.

Get Breaking News Alerts From IndiaGlitz