நடிகைகளின் இடுப்பைக் கிள்ளி விஜய் அரசியல் செய்கிறார் என தமிழக பாஜக தலைவர் அண்ணாமலை கூறியிருப்பது பரபரப்பை ஏற்படுத்தியுள்ளது.

சமீபத்தில், டாஸ்மாக் ஊழல் குறித்து தமிழக வெற்றி கழகத்தின் சார்பில் அறிக்கை வெளியிடப்பட்டது. அதில், நடவடிக்கை எடுக்க வேண்டிய மத்திய அரசில் உள்ள பாஜக போராட்டம் நடத்துவது வேடிக்கை என்று விமர்சிக்கப்பட்டிருந்தது.

இது குறித்து கேள்விக்கு பதில் அளித்த அண்ணாமலை பதிலளித்த போது, ‘"தமிழக வெற்றி கழகத்தை முதலில் களத்திற்கு வரச் சொல்லுங்கள். ஸ்கூல் பசங்க மாதிரி பாலிடிக்ஸ் பண்ணிக்கொண்டிருக்கிறார்கள். என்ன சினிமா ஷூட்டிங்கில் இருந்துக்கொண்டே அரசியல் பண்ணுவாங்களா? உட்கார்ந்து கொண்டு பாட்டு பாடிக் கேட்டு, நடிகைகளின் இடுப்பை கிள்ளி கொண்டு அரசியல் செய்ய முடியாது.

தமிழக வெற்றி கழகம் பௌண்டரியை கிராஸ் பண்ணக் கூடாது. அறிக்கையை வெளியிடும் போது, அதற்கு ஒரு காரணம் இருக்க வேண்டும். நான் விஜய் மாதிரி நடிகைகளின் இடுப்பை கிள்ளி கொண்டு டான்ஸ் ஆடிக்கொண்டே அரசியல் செய்து கொண்டிருக்கிறேனா? நான் களத்தில் இருந்து போராடிக் கொண்டிருக்கிறேன், களத்தில் இருந்து பேசுகிறேன்."

விஜய்க்கு 50 வயதில் தான் அரசியலுக்கு வரவேண்டும் என்று தோன்றியதா? 30 வயதில் எங்கே போனார்? விஜய் யாருடைய பீ டீம். தமிழக வெற்றி கழகம், திராவிட முன்னேற்றக் கழகத்தின் பீ டீம் ஆகவே இயங்குகிறது. இதை நான் ஆணித்தரமாக கூறுகிறேன். தமிழக வெற்றி கழகத்தின் நடவடிக்கையை பார்த்த பிறகு தான் இதை சொல்கிறேன். திராவிட முன்னேற்றக் கழகம் மறுபடியும் ஆட்சிக்கு வரவேண்டும் என்பதற்காக ஆரம்பித்த சீக்ரெட் அரசியல் கட்சிதான் தமிழக வெற்றி கழகம்.

அவர்கள் எல்லை மீறிப் பேசினால், எனக்கும் அதேபோன்று பேச தெரியும். மரியாதை கொடுத்தால் மட்டுமே மரியாதை வாங்க முடியும். என்று அண்ணாமலை செய்தியாளர்களிடம் பேசினார். அவருடைய இந்த பேச்சு பரபரப்பை ஏற்படுத்தியுள்ளது.