உலக அழகி பட்டம் வென்ற ஐஸ்வர்யா ராய் அழகு குறித்து இளம் பெண் ஒருவர், அவரது மாமனார் அமிதாப் பச்சனிடம் கேள்வி எழுப்பினார். அதற்கு அவர் அசத்தல் பதில் இணையத்தில் வைரல் ஆகி வருகிறது.

உலக அழகி பட்டம் வென்ற ஐஸ்வர்யா ராய், அமிதாப் பச்சனின் மகன் நடிகர் அபிஷேக் பச்சனுடன் திருமணம் செய்து கொண்டார். இந்த தம்பதிக்கு ஆராதித்யா என்ற மகள் இருக்கிறார் என்பது தெரிந்ததே.

இந்த நிலையில், கவுன் பனேகா குரோர்பதி என்ற நிகழ்ச்சியை கடந்த 25 ஆண்டுகளாக நடத்தி வரும் அமிதாப் பச்சன், சமீபத்தில் இந்த நிகழ்ச்சியில் கலந்து கொண்டார். அப்போது, நிகழ்ச்சியில் கலந்து கொண்ட இளம் பெண் ஒருவர், ஐஸ்வர்யா ராய் அழகு குறித்து கேள்வி எழுப்பினார்.

"ஐஸ்வர்யா ராய் மிகவும் அழகாக இருக்கிறார்" என்று கூறியபோது, உடனே அமிதாப் பச்சன், "அவர் அழகுதான் என்பது எனக்குத் தெரியும்" என்று பதிலளித்தார். உடனே, அந்த பெண் "நீங்கள் ஐஸ்வர்யா ராயுடன் தானே இருக்கிறீர்கள்? அவரைப் போலவே அழகாக இருக்க சில ஆலோசனைகள் சொல்லுங்கள்" என்று கேட்டார்.

அதற்கு அமிதாப் பச்சன், "நான் உங்களுக்கு ஒன்றை சொல்லிக்கொள்ள விரும்புகிறேன். உங்கள் முகத்தில் இருக்கும் அழகு சில வருடங்களில் மறைந்து விடலாம். ஆனால், இதயத்தில் இருக்கும் அழகு தான் மிகவும் முக்கியம்" என்று கூறினார்.

இந்த பதிலுக்கு இணைய நெட்டிசன்கள் பாராட்டுகளை குவித்து வருகின்றனர்.