அஜித் நடித்த ‘விடாமுயற்சி’ திரைப்படம் நேற்று வெளியான நிலையில், ரசிகர்கள் மத்தியில் நல்ல வரவேற்பை பெற்று வருகிறது. இந்த நிலையில், இந்த படத்தின் முதல் நாள் வசூல் குறித்த தகவல் வெளியாகியுள்ள நிலையில், இந்த தகவல் கோலிவுட் திரையுலகில் பெரும் ஆச்சரியத்தை ஏற்படுத்தியுள்ளது.

அஜித், திரிஷா நடிப்பில், மகிழ் திருமேனி இயக்கத்தில், அனிருத் இசையில், லைக்கா நிறுவனத்தின் தயாரிப்பில் உருவாகிய ‘விடாமுயற்சி’ திரைப்படம் நேற்று உலகம் முழுவதும் பிரம்மாண்டமாக வெளியானது.

இந்த படத்தின் முதல் நாள் முதல் காட்சி முடிந்தவுடன், சமூக வலைதளங்களில் பாசிட்டிவ் விமர்சனங்கள் குவிந்தன. மேலும், விஜய் ரசிகர்கள் கூட இந்த படத்திற்கு ஆச்சரியமாக, நேற்று நெகட்டிவ் விமர்சனங்களை தரவில்லை என்பதும் குறிப்பிடத்தக்கது.

இந்த நிலையில், இந்த படத்தின் முதல் நாள் தமிழகத்தில் மட்டும் 25 கோடி ரூபாய் வசூல் செய்திருப்பதாக தகவல் வெளியாகியுள்ளது. ஹீரோயிசம் இல்லாத கதையம்சம் கொண்ட படமாக இருந்த போதிலும், எந்த ஒரு முக்கிய பண்டிகையும் இல்லாத நாளில் ரிலீஸ் ஆன போதிலும், இந்த படம் மிகப்பெரிய வசூலை எட்டியுள்ளது.

அஜித்தின் திரையுலக வரலாற்றில், இந்த படம் ஒரு புதிய வசூல் சாதனை செய்யும் என்றும் கூறப்படுகிறது. இனி, அடுத்தடுத்த நாட்களில் ‘விடாமுயற்சி’ திரைப்படம் எவ்வளவு வசூல் செய்கிறது என்பதை பொறுத்திருந்து பார்ப்போம்.