close
Choose your channels

ஆன்லைன் வகுப்புகள்: தல அஜித் ரசிகர்கள் செய்த உதவி

Tuesday, July 7, 2020 • தமிழ் Comments

கொரோனா வைரஸ் பாதிப்பு காரணமாக கடந்த மூன்று மாதங்களுக்கு மேலாக தமிழகம் உள்பட அனைத்து மாநிலங்களிலும் பள்ளி மற்றும் கல்லூரிகள் மூடப்பட்டுள்ளன என்பது குறிப்பிடத்தக்கது. ஜூலை 31-ஆம் தேதி வரை ஊரடங்கு உத்தரவு நீட்டிக்கப்பட்டுள்ளதால் அதுவரை பள்ளிகள் திறக்க வாய்ப்பில்லை என்பது தெரிந்ததே.

இந்த நிலையில் கடந்த சில வாரங்களாக தமிழகம் உள்பட பல்வேறு மாநிலங்களில் ஆன்லைன் வகுப்புகள் நடத்தப்பட்டு வருகின்றன. இந்த வகுப்புகளை மாணவர்கள் தொலைக்காட்சி அல்லது மொபைல் போனில் பார்த்து பாடங்களை படித்து வருகின்றனர். இந்த நிலையில் ஒரு சில ஏழை மாணவர்களின் வீடுகளில் தொலைக்காட்சியும் இல்லாமல் ஸ்மார்ட் போனும் இல்லாமல் இருப்பதால் அவர்களால் ஆன்லைன் வகுப்புகளை கவனிக்க முடிவதில்லை.

இதனை கணக்கில் கொண்டு கேரள மாநிலத்திலுள்ள கண்ணூர் அஜித் ரசிகர்கள் தொலைக்காட்சி இல்லாத ஏழை மாணவர்களுக்கு புதிய தொலைக்காட்சி பெட்டிகளை வாங்கி இலவசமாக வழங்கி வருகின்றனர்., இந்த உதவியால் ஏழை மாணவர்கள் தொலைக்காட்சியில் ஆன்லைன் வகுப்புகளை கண்டு படிக்க முடியும் என்பது குறிப்பிடத்தக்கது. இதனையடுத்து கேரள மாநிலம் கண்ணூர் அஜித் ரசிகர்கள் செய்த இந்த உதவிக்கு பாராட்டுக்கள் குவிந்து வருகிறது என்பது குறிப்பிடத்தக்கது.
 

Get Breaking News Alerts From IndiaGlitz