close
Choose your channels
Rajavamsam

'பீஸ்ட்' vs 'வலிமை' :7 ஆண்டுகளுக்கு பின் மோதும் விஜய்-அஜித் படங்கள்!

Wednesday, September 22, 2021 • தமிழ் Comments

7 ஆண்டுகளுக்குப் பின்னர் அஜித் மற்றும் விஜய் திரைப்படங்கள் ஒரே நாளில் ரிலீஸ் ஆக உள்ளதாக அறிவிக்கப்பட்டுள்ளது பெரும் பரபரப்பை ஏற்படுத்தி உள்ளது

தளபதி விஜய் நடித்து வரும் ’பீஸ்ட்’ திரைப்படம் அடுத்த ஆண்டு பொங்கல் தினத்தில் வெளியாகும் என சன் பிக்சர்ஸ் நிறுவனம் திட்டமிட்டு உள்ளது என்பதும் இது குறித்த அதிகாரப்பூர்வ அறிவிப்பு விரைவில் வெளிவரும் என்றும் கூறப்படுகிறது. அதேபோல் தல அஜித் நடித்த ’வலிமை’ திரைப்படமும் அடுத்த ஆண்டு பொங்கல் தினத்தில் வெளியாகும் என சற்று முன்னர் போனிகபூர் தனது ட்விட்டர் பக்கத்தில் அதிகாரபூர்வமாக அறிவித்துள்ளார். எனவே அடுத்த ஆண்டு பொங்கல் தினத்தில் அஜித்தின் ’வலிமை’ மற்றும் விஜய்யின் ’பீஸ்ட்’ ஆகிய இரண்டு படங்கள் வெளியாக உள்ளது உறுதி செய்யப்பட்டுள்ளது

கடந்த 2014 ஆம் ஆண்டு பொங்கல் தினத்தில் அஜித் நடித்த ’வீரம்’ மற்றும் விஜய் நடித்த ’ஜில்லா’ ஆகிய படங்கள் ரிலீஸ் ஆன நிலையில் 7 ஆண்டுகளுக்குப் பின்னர் மீண்டும் ஒரே நாளில் அஜீத், விஜய் படங்கள் மோத உள்ளன என்பது குறிப்பிடத்தக்கது.

அஜித்-விஜய் ஆகிய இரு தரப்பு ரசிகர்களுக்கும் அடுத்த ஆண்டு பொங்கல் தினம் சிறப்பு தினமாக இருக்கும் நிலையில் இந்த போட்டியில் வெல்பவர் தலயா? தளபதியா? என்பதை பொறுத்திருந்து பார்ப்போம்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz