close
Choose your channels
warrior
iravin_nizhal

பிரபல கிரிக்கெட் வீரரின் வாழ்க்கை வரலாறு: ரஜினி மகள் இயக்குகிறாரா?

Tuesday, May 24, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

இந்திய கிரிக்கெட் அணியின் முன்னாள் கேப்டன் வாழ்க்கை வரலாறு திரைப்படத்தை ரஜினிகாந்த் மகள் ஐஸ்வர்யா இயக்க இருப்பதாக கூறப்படுவதால் பரபரப்பு ஏற்பட்டுள்ளது.

ஐஸ்வர்யா ரஜினிகாந்த் தற்போது ஐபிஎல் பிளே ஆப் போட்டிகளை பார்ப்பதற்காக தனது இரண்டு மகன்களுடன் கொல்கத்தா சென்று உள்ளார். அப்போது பிசிசிஐ தலைவர் சவுரவ் கங்குலியின் இரவு டின்னருக்கு அவர் அழைக்கப்பட்டுள்ளார். இந்த தகவல் பாலிவுட் திரையுலகில் பெரும் பரபரப்பை ஏற்படுத்தி உள்ளது.

ஏற்கனவே கங்குலியின் வாழ்க்கை வரலாறு திரைப்படம் விரைவில் உருவாக்கப்பட இருப்பதாக கூறப்படுவதால் ஐஸ்வர்யா ரஜினிகாந்த் அந்த படத்தை இயக்குகிறாரா? என்ற கேள்வி தற்போது எழுந்துள்ளது. இது குறித்த முறையான அறிவிப்பு விரைவில் வெளியாகும் என்று எதிர்பார்க்கப்படுகிறது.

தனுஷ் நடித்த ’3’ கவுதம் கார்த்திக் நடித்த ’வை ராஜா வை’ ஆகிய படங்களை இயக்கிய ஐஸ்வர்யா ரஜினிகாந்த், தற்போது 'ஓ சாதிசால்’ என்ற பாலிவுட் படத்தை இயக்கி வருகிறார். இந்த படத்தை முடித்தவுடன் அவர் கங்குலி படத்தை இயக்குவது குறித்து அறிவிப்பார் என்று எதிர்பார்க்கப்படுகிறது.

ஹிருத்திக் ரோஷன், ரன்பீர் கபூர், சித்தார்த் மல்ஹோத்ரா உள்பட ஒருசில பிரபல நடிகர்கள், கங்குலி வேடத்தில் நடிக்க பரிசீலனை செய்யப்பட்டு வருவதாகவும் கூறப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.