ஆக்சன் கிங் அர்ஜுனின் மகள் ஐஸ்வர்யா அர்ஜுனுக்கும், தம்பி ராமையாவின் மகன் உமாபதிக்கும் கடந்த ஆண்டு திருமணம் நடந்த நிலையில், தற்போது குடும்பத்துடன் பிறந்தநாள் கொண்டாட்டம் கொண்டாடிய வீடியோ இணையத்தில் வைரல் ஆகி வருகிறது.

இயக்குனர் மற்றும் குணச்சித்திர நடிகர் தம்பி ராமையாவின் மகன் உமாபதி, கடந்த ஆண்டு ஜூன் 10ஆம் தேதி ஆக்சன் கிங் அர்ஜுன் மகள் ஐஸ்வர்யாவை திருமணம் செய்து கொண்டார் என்பதும், சென்னையில் மிகப்பெரிய அளவில் நடந்த இந்த திருமணத்திற்கு பல பிரபலங்கள் கலந்து கொண்டார்கள் என்பதும் தெரிந்தது.

இந்த நிலையில், சமீபத்தில் ஐஸ்வர்யா அர்ஜுன் தனது பிறந்தநாளை கொண்டாடியுள்ளார். இது குறித்த வீடியோவை தனது இன்ஸ்டாகிராம் பக்கத்தில் வெளியிட்டுள்ளார். திருமணத்திற்கு பின் கொண்டாடப்படும் முதல் பிறந்தநாள் என்பதால், இந்த பிறந்த நாள் பிரமாண்டமாக கொண்டாடப்பட்டது. அவரது அப்பா ஆக்சன் கிங் அர்ஜுன் மற்றும் கணவர் உமாபதி ஆகியோர், தனது குடும்பத்தினருடன் சேர்ந்து கொண்டாடிய இந்த பிறந்த நாள் கொண்டாட்ட வீடியோவுக்கு ஏராளமான லைக்குகள், கமெண்ட்கள் குவிந்து வருகிறது என்பது குறிப்பிடத்தக்கது.

இந்த நிலையில், உமாபதி ஹீரோவாக நடித்த "ராஜாக்கிளி" என்ற திரைப்படத்தை, அவரது தந்தை தம்பி ராமையா இயக்கியுள்ள நிலையில், இந்த படம் விரைவில் வெளியாக உள்ளது என்பது குறிப்பிடத்தக்கது.

View this post on Instagram

A post shared by Aishwarya Arjun (@aishwaryaarjun)