சிம்பு நடிப்பில் அஸ்வத் மாரிமுத்து இயக்கத்தில் உருவாக இருக்கும் படத்தை ஏஜிஎஸ் நிறுவனம் தயாரிக்க இருப்பதாக சமீபத்தில் அறிவிக்கப்பட்டது. இந்த படத்திற்கு "காட் ஆப் லவ்" என்ற டைட்டில் வைக்கப்பட்டுள்ளது என்பதும் தெரிந்தது. இந்த படத்தின் பர்ஸ்ட் லுக் போஸ்டர் சிம்புவின் பிறந்தநாள் அன்று வெளியாகி, இணையத்தில் வைரலானது என்பதை பார்த்தோம்.

இந்நிலையில், சிம்பு - அஸ்வத் மாரிமுத்து படத்தை தவிர, இன்னொரு சிம்பு நடிக்கும் படத்தையும் ஏஜிஎஸ் நிறுவனம் தயாரிக்க இருப்பதாக தகவல்கள் கசிந்துள்ளன.

சிம்பு நடிப்பில் தேசிங்கு பெரியசாமி இயக்கத்தில் உருவாக இருக்கும் "STR 50" என்ற படத்தின் அறிவிப்பு சமீபத்தில் வெளியானது. சிம்புவே இந்த படத்தை தயாரிப்பார் என்று கூறப்பட்டிருந்த நிலையில், தற்போது இந்த படத்தை சிம்புவின் தயாரிப்பு நிறுவனம் மற்றும் ஏஜிஎஸ் ஆகிய இரு நிறுவனங்களும் இணைந்து தயாரிக்க திட்டமிட்டுள்ளதாகவும், இது குறித்த முறையான அறிவிப்பு விரைவில் வெளிவரும் என்றும் கூறப்படுகிறது.

இது ஒரு பெரிய பட்ஜெட் படம் என்பதால், சிம்பு தனியாக தயாரிப்பதில் சிக்கல் ஏற்பட்டதால் ஏஜிஎஸ் நிறுவனம் கைகோர்த்துள்ளதாக தகவல் வெளியாகியுள்ளது.

சிம்புவின் அடுத்தடுத்து இரண்டு படங்களை ஏஜிஎஸ் நிறுவனம் தயாரிக்க இருப்பதை அடுத்து, இந்த இரண்டு படங்களுக்கும் கூடுதல் எதிர்பார்ப்பு ஏற்பட்டுள்ளது என்பது குறிப்பிடத்தக்கது.