ஜீவா நடிப்பில் உருவாகிய ‘அகத்தியா’ என்ற திரைப்படம் ரிலீசுக்கு தயாராக இருக்கும் நிலையில், இந்த படத்தின் டிரைலர் இணையத்தில் வெளியாகி வைரல் ஆகி வருகிறது.

ஜீவா, ராஷி கண்ணா, ஆக்ஷன் கிங் அர்ஜுன், யோகி பாபு, ரெடின் கிங்சிலி உள்பட பலர் நடிப்பில் உருவாகியுள்ள திரைப்படம் ‘அகத்தியா’. இந்த படம் பிப்ரவரி 28ஆம் தேதி திரையரங்கில் வெளியாக இருக்கும் நிலையில், சற்று முன் இந்த படத்தின் இரண்டு நிமிடங்களுக்கும் மேலான ட்ரெய்லர் வெளியாகி வைரல் ஆகி வருகிறது.

இந்த ட்ரெய்லரிலிருந்து, இந்த படம் பேய் சம்பந்தப்பட்ட கதையை கொண்டது என்பதும், அதை ஆராய்ச்சி செய்ய வரும் அர்ஜுன் மற்றும் பேய் பங்களாவில் நுழைந்த ஜீவாவுக்கு ஏற்படும் திகில் அனுபவங்கள் என்ன என்பதும் தெரிகிறது.

வேல்ஸ் பிலிம்ஸ் இன்டர்நேஷனல் நிறுவனத்தின் தயாரிப்பில் உருவாகியுள்ள இந்த படத்தை பா. விஜய் இயக்கியுள்ளார். இந்த படத்திற்கு யுவன் சங்கர் ராஜா இசை அமைத்துள்ளார் என்பதும், தீபக் குமார் ஒளிப்பதிவில், சான் லோகேஷ் படத்தொகுப்பில் இந்த படம் உருவாகியுள்ளது என்பதும் குறிப்பிடத்தக்கது.

ஜீவாவுக்கு இந்த படம் மேலும் ஒரு வெற்றிப்படமாக அமையும் என்பது ட்ரெய்லரிலிருந்து வெளிப்படுவதாக ரசிகர்கள் கருத்துகளை தெரிவித்து வருகின்றனர்.