தனுஷ் நடித்து இயக்கி வரும் ’D50’ என்ற படத்தின் படப்பிடிப்பு இறுதி கட்டத்தில் இருக்கும் நிலையில் இன்னும் ஒரு சில வாரங்களில் இந்த படத்தின் ஒட்டுமொத்த படப்பிடிப்பு முடிவடைந்து விடும் என்று எதிர்பார்க்கப்படுகிறது.

இதனை அடுத்து அவர் ஏற்கனவே ஒருசில படங்களில் நடிக்க ஒப்பந்தம் ஆகி உள்ள நிலையில் தற்போது மேலும் ஒரு திரைப்படத்தை இயக்க இருப்பதாக தகவல் வெளியாகி உள்ளன.

தனுஷ் இயக்கும் மூன்றாவது படத்தில் அவரது நெருங்கிய உறவினர் ஒருவர் ஹீரோவாக நடிக்க இருப்பதாகவும் இந்த படத்தை இயக்குவதோடு தனுஷ் சிறப்பு தோற்றத்தில் நடிக்க இருப்பதாகவும் கூறப்படுகிறது. கோபுரம் பிலிம்ஸ் நிறுவனம் இந்த படத்தை தயாரிக்க இருப்பதாகவும் இந்த படத்தின் படப்பிடிப்பு அடுத்த ஆண்டு தொடங்கும் என்றும் கூறப்படுகிறது.

தனுஷ் ஏற்கனவே ’கேப்டன் மில்லர்’ என்ற படத்தில் நடித்து முடித்துள்ள நிலையில் அவர் தற்போது சேகர் கம்முல்லா இயக்கத்தில் உருவாக இருக்கும் தமிழ் தெலுங்கு படத்திலும் அதன் பிறகு பாலிவுட் திரைப்படம் ஒன்றிலும் நடிக்க உள்ளார் என்பது குறிப்பிடத்தக்கது.