நடிகை வரலட்சுமி நடுவராகவும், மணிமேகலை தொகுப்பாளினியாகவும் களமிறங்கும் ஒரு சூப்பர் ஹிட் நிகழ்ச்சி விரைவில் தொடங்க இருக்கிறது என தகவல் வெளியாகியுள்ளது.

ஜீ தொலைக்காட்சியில் ஒளிபரப்பாகி வரும் நிகழ்ச்சிகளில், மக்களின் ஆதரவுடன் ஓடிக்கொண்டிருக்கும் ஒரு முக்கிய நிகழ்ச்சி ’டான்ஸ் ஜோடி டான்ஸ்’. இந்த நிகழ்ச்சியின் அடுத்த சீசன் விரைவில் தொடங்க இருக்கிறது. இது குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.

கடந்த சீசன்களில் பாபா பாஸ்கர், சினேகா, சங்கீதா ஆகியோர் நடுவர்களாக இருந்தனர். இந்த நிலையில் அடுத்த சீசனில், சங்கீதாவுக்கு மாற்றாக நடிகை வரலட்சுமி நடுவராக இணைவதாக கூறப்படுகிறது.

அதேபோல், இந்த நிகழ்ச்சியை மிர்ச்சி விஜய்யுடன் இணைந்து மணிமேகலை தொகுத்து வழங்குவார் என்றும் தகவல்கள் வெளியாகியுள்ளது.

சில சர்ச்சைகளால் விஜய் டிவியில் ஒளிபரப்பான குக் வித் கோமாளி என்ற நிகழ்ச்சியில் இருந்து விலகியிருந்த மணிமேகலை, தற்போது மீண்டும் ஜீ தொலைக்காட்சியில் பணியாற்ற உள்ளதாக செய்தி வெளியாகியுள்ள நிலையில் நெட்டிசன்கள் அவருக்கு வாழ்த்துக்களை தெரிவித்து வருகின்றனர்.

குக் வித் கோமாளி நிகழ்ச்சியில் இருந்த போது, பாபா பாஸ்கர் மற்றும் மணிமேகலை இடையே நல்ல நட்பு இருந்தது. இந்த நட்பு டான்ஸ் ஜோடி டான்ஸ் நிகழ்ச்சியிலும் தொடரும் என எதிர்பார்க்கப்படுகிறது.