நடிகை பாவனா நடித்த படத்தின் டீசர் சற்றுமுன் வெளியாகி இணையத்தில் வைரலாகி வருகிறது.

மிஷ்கின் இயக்கிய ‘சித்திரம் பேசுதடி’ திரைப்படத்தின் மூலம் தமிழில் அறிமுகமானவர் நடிகை பாவனா. அதன் பிறகு, வெயில், தீபாவளி, கூடல் நகர், ராமேஸ்வரம், அசல் உள்ளிட்ட பல படங்களில் நடித்துள்ளார். தற்போது நீண்ட இடைவெளிக்குப் பிறகு, ’தி டோர்’ என்ற தமிழ் படத்தில் நடித்துள்ளார்.

இந்த படம் விரைவில் வெளியாக இருக்கின்ற நிலையில், சற்றுமுன் வெளியான டீசர் இணையத்தில் வைரலாகி வருகிறது. முழுக்க முழுக்க திரில் கதையாக அமையும் இந்த படத்தில், பிக் பாஸ் போட்டியாளர் கணேஷ் வெங்கட்ராமன் காவல்துறை அதிகாரி கேரக்டரில் நடித்துள்ளார்.

பாவனா, கணேஷ் வெங்கட்ராமன், ஜெயபிரகாஷ், சிவரஞ்சனி, பாலா ஆகியோர் முக்கிய கதாபாத்திரங்களில் நடித்துள்ள இப்படத்திற்கு வருன் உன்னி இசையமைத்துள்ளார். ஜெய தேவ் இயக்கத்தில் உருவாகியுள்ள இந்த படம், திரில் கதை ரசிகர்களுக்கு ஒரு விருந்தாக இருக்கும் என்று எதிர்பார்க்கப்படுகிறது.

இந்த படம் இம்மாதம் வெளியாகும் என டீசர் இறுதியில் அறிவிக்கப்பட்டுள்ள நிலையில் விரைவில் வெளியீட்டு தேதி அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.