நடிகர் யோகி பாபு சென்ற கார் விபத்துக்குள்ளானதாக ஊடகங்கள் மற்றும் சமூக வலைதளங்களில் செய்திகள் வெளியாகி வருகின்றன. இந்நிலையில் இதுகுறித்து அவரே தனது சமூக வலைத்தளத்தில் விளக்கம் அளித்துள்ளார்.

தமிழ் திரை உலகின் முன்னணி காமெடி நடிகர் யோகி பாபு, சில படங்களில் ஹீரோவாகவும் நடித்து வருகிறார் என்பது தெரிந்ததே. இந்த நிலையில், படப்பிடிப்பு ஒன்றிற்காக சென்னையில் இருந்து பெங்களூரு நோக்கி நடிகர் யோகி பாபு காரில் சென்று கொண்டிருந்ததாக கூறப்படுகிறது. அப்போது திடீரென கார் விபத்துக்குள்ளானதாகவும் செய்திகள் வெளியானது.

இது குறித்த தகவல்கள் இணையதளங்களில் வைரலாகி வரும் நிலையில், யோகி பாபு காயமின்றி உயிர் தப்பியதாகவும் சில செய்திகளில் குறிப்பிடப்பட்டது.

இந்நிலையில், நடிகர் யோகி பாபு தனது சமூக வலைதளத்தில், "நான் நல்ல நிலையில் இருக்கிறேன். இந்த செய்திகள் அனைத்தும் உண்மையானவை அல்ல" என்று விளக்கம் அளித்துள்ளார். இதன் மூலம், யோகி பாபுவுக்கு எந்தவித ஆபத்தும் இல்லை என்பதும் உறுதியாகியுள்ளது.