close
Choose your channels
Rocketry
Yaanai

நடிகர் வடிவேலு தனியார் மருத்துவமனையில் அனுமதி

Friday, December 24, 2021 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பிரபல நகைச்சுவை நடிகர் வடிவேலுவுக்கு கொரோனா பாதிப்பு ஏற்பட்டுள்ளதாகவும் அவர் போரூரில் உள்ள தனியார் மருத்துவமனையில் அனுமதிக்கப்பட்டு இருப்பதாகவும் தகவல்கள் வெளியாகி உள்ளன. 

பிரபல தமிழ் திரைப்பட நகைச்சுவை நடிகர் வடிவேலு கடந்த சில ஆண்டுகளாக திரைப்படங்களில் நடிக்காமல் இருந்த நிலையில் தற்போது தான் மீண்டும் அவர் ரீஎன்ட்ரி ஆகி உள்ளார் என்பது குறிப்பிடத்தக்கது. சுராஜ் இயக்கத்தில் உருவாகும் ’நாய்சேகர் ரிட்டர்ன்ஸ்’ என்ற திரைப்படத்தில் நடிக்க ஒப்பந்தம் ஆனார் என்பதும் இந்த படத்தின் படப்பிடிப்பிற்காக சமீபத்தில் அவர் லண்டன் சென்றிருந்தார் என்பது குறிப்பிடத்தக்கது.

இந்த நிலையில் சமீபத்தில் அவர் லண்டனில் இருந்து திரும்பிய நிலையில் அவருக்கு கொரோனா தொற்று உறுதி செய்யப்பட்டிருப்பதாக தகவல்கள் வெளியாகியுள்ளன. இதனையடுத்து அவர் போரூர் ராமச்சந்திரா மருத்துவமனையில் அனுமதிக்கப்பட்டு சிகிச்சை பெற்று வருவதாகவும் அவரது உடல்நிலையை மருத்துவர்கள் கண்காணித்து வருவதாகவும் தகவல்கள் வெளியாகியுள்ளன. 

ஏற்கனவே அமெரிக்காவிலிருந்து திரும்பிய கமல்ஹாசனுக்கு கடந்த சில வாரங்களுக்கு முன் கொரோனா தொற்று உறுதிசெய்யப்பட்ட நிலையில் சமீபத்தில்தான் அவர் குணமானார் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.