லொள்ளு சபா, கனாக்காலம் காலங்கள் உள்பட பல திரைப்படங்கள் மற்றும் தொலைக்காட்சி தொடர்களில் நடித்த நடிகர் சிரிக்கோ உதயா அவர்கள் சர்க்கரை வியாதியால் பாதிக்கப்பட்டு, ஓமந்தூரார் மருத்துவமனையில் சிகிச்சை பெற்று வருகிறார்.

அவருக்கு அறுவை சிகிச்சை மூலம் ஒரு கால் அகற்றப்பட்டதாக தகவல் வெளியாகி உள்ள நிலையில், அவர் சிகிச்சை பெற்று வரும் மருத்துவமனைக்கு பல திரை உலக பிரபலங்கள் சந்தித்து நலம் விசாரித்து வருகின்றனர்.

இந்த நிலையில், இசையமைப்பாளர் மற்றும் தயாரிப்பாளர் சுவாமிநாதன் ராஜேஷ், நடிகர் மற்றும் விநியோகத்தார் ஜெனிஸ் ஆகிய இருவரும் ஓமந்தூரார் அரசு மருத்துவமனையில் சிகிச்சை பெற்று வரும் சிரிக்கோ உதயாவை சந்தித்து நலம் விசாரித்தனர். பின்னர், அவருக்கு பொருளாதார உதவியும் வழங்கினர்.

அதேபோல், விஜய் டிவி பிரபலம் டி. எஸ். கே சிரிக்கோ உதயாவை நேரில் சந்தித்து, நிதி உதவி வழங்கினார்.

நேற்று, நடிகர்கள் முத்துக்காளை மற்றும் கிங்காங் ஆகியோர் ஓமந்தூரார் மருத்துவமனைக்கு சென்று சிரிக்கோ உதயாவின் உடல் நலம் விசாரித்து, பின்னர் பண உதவி செய்ததாக தகவல் வெளியாகியுள்ளது.