நடிகர் சித்தார்த் நடிக்க இருக்கும் 40வது திரைப்படத்தின் டைட்டில் டீசர் வெளியிடப்பட்டுள்ளது. இந்த படத்தின் இயக்குனர் மற்றும் நட்சத்திரங்கள் குறித்த தகவலும் அந்த பதிவில் உள்ளது. இது குறித்த வீடியோ தற்போது இணையத்தில் வைரல் ஆகி வருகிறது.

நடிகர் சித்தார்த் நடித்த "இந்தியன் 2" மற்றும் "சித்தா" ஆகிய திரைப்படங்கள் அடுத்தடுத்து வெளியான நிலையில், தற்போது அவர் தனது 40வது படத்தில் நடித்துக் கொண்டு இருப்பதாகவும், இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் கூறப்பட்டுள்ளது.

இந்த படத்தை ’8 தோட்டாக்கள் மற்றும் ’குருதி ஆட்டம்’ ஆகிய இரண்டு படங்களை இயக்கிய ஸ்ரீ கணேசன் இயக்குகிறார். சித்தார்த்துடன் சரத்குமார், தேவயானி, மீதா ரகுநாத், சைத்ரா ஆச்சார், யோகி பாபு உள்ளிட்ட பலர் நடிக்கின்றனர்.

இந்த படத்திற்கு அம்ரித் ராம்நாத் இசையமைக்கிறார். இந்த படத்தின் டீசர் வீடியோ சற்றுமுன் வெளியிடப்பட்டுள்ளது. இந்த படத்திற்கு "3 BHK" என்ற டைட்டில் வைக்கப்பட்டுள்ளது.

இந்த ஒன்றரை நிமிட டீசர் வீடியோவில் இருந்து, இது ஒரு குடும்ப சென்டிமேட் கலந்த படம் என்று தெரிகிறது. ’சித்தா’ போலவே, சித்தார்த்துக்கு இந்த படமும் ஒரு வெற்றி படமாக அமையும் என்று எதிர்பார்க்கப்படுகிறது.