இயக்குநர் கிருத்திகா உதயநிதி இயக்கத்தில் உருவான "காதலிக்க நேரமில்லை" என்ற திரைப்படம் சமீபத்தில் வெளியாகி, நல்ல வரவேற்பு பெற்ற நிலையில், தற்போது அவர் அடுத்த படத்திற்கு தயாராகி வருகிறார். அந்த படத்தில் பிரபல மாஸ் நடிகர் ஹீரோவாக நடிக்க இருப்பதாக கூறப்படுகிறது.

கடந்த 2013ஆம் ஆண்டு வெளியான ‘வணக்கம் சென்னை’ என்ற திரைப்படத்தின் மூலம் இயக்குநராக அறிமுகமான கிருத்திகா உதயநிதி அதன் பின்னர் ’காளி’ ‘பேப்பர் ராக்கெட்", "காதலிக்க நேரமில்லை" ஆகிய படங்களை இயக்கியுள்ளார்.

இந்த நிலையில், அடுத்த படத்திற்காக கிருத்திகா தயாராகி உள்ளார். இந்த படத்தில் பிரபல நடிகர் விஜய் சேதுபதி நடிக்க இருப்பதாக கூறப்படுகிறது.கிருத்திகா கூறிய கதை விஜய் சேதுபதிக்கு பிடித்துவிட்டதால் அவர் இந்த படத்தில் நடிக்க ஒப்புக்கொண்டுள்ளதாக கூறப்படுகிறது.

தற்போது, விஜய் சேதுபதி ’ஏஸ்’ ‘டிரையின்’ உள்பட சில படங்களில் நடித்து வரும் நிலையில், அவர் கிருத்திகா - உதயநிதி படத்தில் இணையும் அறிவிப்பு விரைவில் வெளியாகும் என எதிர்பார்க்கப்படுகிறது.