உலகநாயகன் கமல்ஹாசன் மற்றும் சிம்பு நடிப்பில் மணிரத்னம் இயக்கிய ’தக்லைஃப்’ திரைப்படத்தின் படப்பிடிப்பு முடிவடைந்து, தற்போது தொழில்நுட்ப பணிகள் தீவிரமாக நடைபெற்று வருகிறது.

இந்நிலையில், இப்படம் வெளியாக இன்னும் 75 நாட்கள் உள்ளதாக குறிப்பிடும் புதிய போஸ்டரை, கமல்ஹாசன், சிம்பு உட்பட படக்குழுவினர் தங்களது சமூக வலைதள பக்கங்களில் வெளியிட்டுள்ளனர். அந்த போஸ்டர் தற்போது இணையத்தில் வைரலாகி வருகிறது.

’நாயகன்’ படத்திற்குப் பிறகு நீண்ட இடைவெளிக்கு பின்னர், கமல்ஹாசன் மற்றும் மணிரத்னம் மீண்டும் இணைந்துள்ள ’தக்லைஃப்’ படத்தில் சிம்பு முக்கிய கதாபாத்திரத்தில் நடித்துள்ளார். அதேபோல், த்ரிஷா, அசோக் செல்வன், அபிராமி, நாசர் உள்ளிட்ட பலர் இதில் நடித்துள்ளனர். இதனால், இப்படம் மிகப்பெரிய எதிர்பார்ப்பை உருவாக்கியுள்ளது.

இந்த படம் ஜூன் 5ஆம் தேதி வெளியாகும் என்பது ஏற்கனவே கமல்ஹாசன் கூறிய நிலையில், இன்றிலிருந்து சரியாக 75 நாட்களில் படம் வெளியாகும் என குறிக்கும் புதிய போஸ்டர் வெளியாகியுள்ளது.

இந்த போஸ்டரை ராஜ்கமல் பிலிம்ஸ் இன்டர்நேஷனல், சிம்பு உள்ளிட்ட படக்குழுவினர் தங்களது சமூக வலைதளங்களில் வெளியிட்டுள்ளனர். தற்போது அந்த போஸ்டர் இணையத்தில் தீயாக பரவி வருகிறது.

#ThugLife pic.twitter.com/KacJm7NmqM

— Raaj Kamal Films International (@RKFI) March 22, 2025