close
Choose your channels
Rajavamsam

டெல்லியிடம் மீண்டும் தோல்விதானா? சிஎஸ்கே ரசிகர்களுக்கு அதிர்ச்சி ரிப்போர்ட்!

Monday, October 4, 2021 • தமிழ் Sport News Comments

ஐபிஎல் 2021 தொடரின் 50 ஆவது லீக் போட்டி இன்று சென்னை சிஎஸ்கேவிற்கும் டெல்லி கேபிடள்ஸ் அணிக்கும் இடையே நடைபெற இருக்கிறது. இந்த அணிகள் இரண்டும் ஏற்கனவே ப்ளே ஆஃப் சுற்றுக்குத் தகுதிப் பெற்றுவிட்டன. மேலும் இதுவரை விளையாடிய 12 போட்டிகளில் 9 முறை வெற்றிப்பெற்று 18 புள்ளிகளுடன் ஐபிஎல் அணிகளிலேயே முதலிடம் வகிக்கின்றன.

மேலும் இதற்குமுன்பு டெல்லி அணியுடன் மோதிய சிஎஸ்கே அணி 7 விக்கெட் வித்தியாசத்தில் படு மோசமாக தோல்வியடைந்ததும் குறிப்பிடத்தக்கது. இந்தத் தோல்வியைத் தவிர கடைசியாக சிஎஸ்கே, ராஜஸ்தான் அணியுடன் விளையாடிய போட்டியில் 189 ரன்களை இலக்காக வைத்திருந்தது. இந்த இலக்கை எட்டமாட்டார்கள் என்று கணித்த நிலையில் ராஜஸ்தான் அசால்ட்டாக இலக்கை அடித்து வெற்றிப்பெற்றதும் குறிப்பிடத்தக்கது. இதனால் சிஎஸ்கே ரசிகர்கள் ஏமாற்றம் அடைந்தனர்.

இந்நிலையில் மீண்டும் கேப்டன் தோனி தலைமையில் சிஎஸ்கே அணியும், ரிஷப் பண்ட் தலைமையில் டெல்லி கேபிடள்ஸ் அணியும் மோத இருக்கிறது. இந்தப் போட்டியில் சிஎஸ்கே பக்கம் டூபிளசிஸ், ருத்ரவாஜ் கெயிக்வாட், ஜடேஜா போன்ற அட்டகாசமான பேட்ஸ்மேன்கள் இருக்கின்றனர். ஆனால் பந்து வீச்சில் சிஎஸ்கே படு மோசமான நிலையில் இருப்பதாகக் கணிக்கப்பட்டு உள்ளது.

இன்னொரு பக்கம் டெல்லி கேபிடள்ஸ் அணியில் தவான், பிரித்விஷா, ரிஷப் பண்ட், ஸ்ரேயா ஐயர் போன்றோர் பேட்டிங்கில் அசத்த ரபாடா, அஸ்வின் போன்றோர் பவுலிங்கில் ஆதிக்கம் செலுத்துவதும் குறிப்பிடத்தக்கது. இதனால் சென்னை சிஎஸ்கே ரசிகர்கள் டெல்லி கேபிடள்ஸ் அணியிடம் மீண்டும் தோற்றுபோய் விடுவோமோ என்ற பதற்றத்தில் இருக்கின்றனர்.

மேலும் இறுதியாக நடைபெற்ற போட்டியில் டுவைன் பிராவோ மற்றும் தீபக் சாஹர் இருவரும் சிஎஸ்கே அணியில் இடம்பெறவில்லை. டுவைன் பிராவோ டெத் ஓவர்களில் அணியை சிறப்பாக காப்பாற்றிவிடுவார். அதேபோல பவர் ப்ளே ஓவரில் தீபக் சாஹரின் உதவி சிஎஸ்கேவிற்கு அவசியம். இந்நிலையில் இருவரையும் அணிக்குள் சேர்ப்பார்களா? டெல்லியுடன் வெற்றிப் பெறுவார்களா? என்ற எதிர்பார்ப்பில் ரசிகர்கள் இருந்து வருவதும் குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz